మరో సెట్ నామినేషన్ దాఖలు
ర్యాలీగా బయలుదేరి నామినేషన్ వేయాలనుకున్న బూర నర్సయ్య గౌడ్.. సమయం సరిపోదని భావించి ముందుగానే కలెక్టరేట్లో నామినేషన్ వేశారు. తదనంతరం పట్టణంలో భారీ ర్యాలీ నిర్వహించారు. ఈ కార్యక్రమంలో స్థానిక ఎమ్మెల్యే పైళ్ల శేఖర్ రెడ్డి, పార్టీ కార్యకర్తలు పాల్గొన్నారు.
భారీ ర్యాలీతో కోమటిరెడ్డి నామినేషన్
బీబీనగర్ మండలం గూడూరు టోల్ ప్లాజా నుంచి కోమటిరెడ్డి వెంకట్ రెడ్డి భారీ ర్యాలీగా నామినేషన్ వేయటానికి కలెక్టరేట్కు తరలి వచ్చారు. ఈ కార్యక్రమంలో ఎమ్మల్యే రాజగోపాల్రెడ్డి, మాజీ పీసీసీ చీఫ్ పొన్నాలతో పాటు, పార్టీ అభిమానులు భారీగా హాజరయ్యారు.
భారీ ర్యాలీలతో ట్రాఫిక్కు అంతరాయం
ఇరు పార్టీల నేతలు భారీ ర్యాలీలు నిర్వహించడం వల్ల భువనగిరి పట్టణంలో వాహన రాకపోకలకు అంతరాయం కలిగింది. గూడూరు టోల్ప్లాజా నుంచి కోమటిరెడ్డి సోదరులు భారీ ర్యాలీతో నామినేషన్ వేయడానికి రావటంతో అక్కడ ట్రాఫిక్ కొద్దిసేపు నిలిచిపోయింది.
ఇవీ చూడండి: చివరిరోజు కోలాహలం.. ముగిసిన నామినేషన్ల పర్వం
