TVS Apache RTR 310 : దేశీయ ద్విచక్ర వాహన కంపెనీ తయారీదారు టీవీఎస్ మోటార్స్ మరో కొత్త మోడల్ను భారత విపణిలోకి విడుదల చేసింది. తన విజయవంతమైన మోడల్ అపాచీ సిరీస్లో భాగంగా కొత్త అపాచీ 'TVS Apache RTR 310'ను తీసుకొచ్చింది. సెప్టెంబర్ 6(బుధవారం)న దీనిని లాంఛ్ చేశారు. కాగా, టీవీఎస్ అపాచీ సిరీస్లోని RR 310 మోడల్కు మరిన్ని హంగులు అద్ది అప్డేటెడ్ వెర్షన్గా RTR 310 మోడల్ను రిలీజ్ చేశారు.
స్పెక్స్ అండ్ ఫీచర్స్!
TVS Apache RTR 310 Specifications : డిజిటల్ ఇన్స్ట్రూమెంటల్ ప్యానెల్, అలాయ్ వీల్స్ సహా ఇతర అధునాతన ఫీచర్స్ను RTR 310లో గమనించవచ్చు. ఇక బ్రేక్ల విషయానికొస్తే.. డ్యూయెల్ ఛానల్ ABSతో సింగిల్ ఫ్రంట్ డిస్క్, సింగిల్ రియర్ డిస్క్ బ్రేక్లను ఇందులోని ముందు, రియర్ వీల్స్లో వాడారు. ఈ టైర్ల పరిమాణం 17 అంగుళాలుగా ఉంది. అపాచీ RR 310లోని ట్రాక్షన్ కంట్రోల్, క్విక్ షిఫ్టర్ సహా ఇతర ఫీచర్స్ను TVS Apache RTR 310లోనూ గమనించవచ్చు. వీటికి అదనంగా అడ్వాన్స్డ్ ఫీచర్స్ను తాజాగా లాంఛ్ చేసిన మోడల్లో వినియోగించారు. నేక్డ్ వెర్షన్గా కనిపిస్తున్న ఈ బైక్లో 313cc, సింగిల్ సిలిండర్ ఇంజిన్ను ఫిక్స్ చేశారు. ఇక దీని ధరను రూ.2.43(ఎక్స్-షోరూమ్) లక్షలుగా( TVS Apache RTR 310 Price ) ఉంది. ఈ TVS Apache RTR 310 బైక్కు సంబంధించి భారత్లో ఇప్పటికే ప్రీ-బుకింగ్స్ ప్రక్రియ ప్రారంభమైంది. నామమాత్రపు ఛార్జీ రూ.3,100లను చెల్లించి ఔత్సాహికులు టీవీఎస్ మోటార్స్ అధికారిక వెబ్సైట్లో బుక్ చేసుకోవచ్చు.
TVS Apache RTR 310 Launch : షార్ప్ ఫ్యుయల్ ట్యాంక్, టూ సీటింగ్ కెపాసిటీతో స్పోర్ట్స్ బైక్ తరహాలో కనిపిస్తున్న ఈ సిరీస్లో అన్కవర్డ్ రియర్ సబ్ఫ్రేమ్తో స్ప్లిట్-సీట్ను అమర్చారు. స్ప్లిట్ ప్యాటర్న్లో ఉన్న LED టెయిల్లైట్స్ ఇందులోని ప్రత్యేక ఆకర్షణగా చెప్పుకోవచ్చు. ఇక TVS Apache RTR 310 బైక్ హార్డ్వేర్ విషయానికొస్తే.. స్పోర్ట్ గోల్డ్-ఫినిష్డ్ కలిగిన USD ఫ్రంట్ ఫోర్క్స్ను చూడొచ్చు. వీటిని అడ్జస్ట్ కూడా చేసుకోవచ్చు. ఇందులోని రియర్ సస్పెన్షన్ను మోనో షాక్ నియంత్రిస్తుంది. మరోవైపు RR 310లో వాడిన 312.2ccని ఇందులోనూ వినియోగించారు. లిక్విడ్-కూల్డ్ మోటార్, సిక్స్-స్పీడ్ గేర్బాక్స్, 35bhpతో 9700rpm, అలాగే 28.7Nmతో 6650rpm, 150kmph ఇందులోని చెప్పుకోదగ్గ అదనపు స్పెక్స్.
ఎక్స్ట్రా ఫీచర్స్!
| డిజిటల్ TFT |
| GoPro కనెక్టివిటీ |
| స్పీడోమీటర్ |
| ఓటోమీటర్ |
| ట్రిప్ మీటర్ |
| ఫ్యుయల్ లెవెల్ ఇండికేటర్ |
| గేర్ పోజిషన్ ఇండికేటర్ |
| టెంపరేచర్ |
| స్మార్ట్ ఫోన్ కనెక్టివిటీ |
| కాల్స్, SMS నోటిఫికేషన్స్ |
| డాక్యుమెంట్ స్టోరేజ్ స్లాట్ |
