Stock Markets Closing: దేశీయ స్టాక్ మార్కెట్లలో వరుసగా మూడో రోజూ లాభాల పరంపర కొనసాగింది. అంతర్జాతీయ మార్కెట్ల నుంచి బలమైన సంకేతాలతో బుధవారం కూడా భారీ లాభాలతో ముగిశాయి. బొంబాయి స్టాక్ ఎక్స్చేంజి సూచీ సెన్సెక్స్ 629 పాయింట్లు పెరిగి 55 వేల 397 వద్ద స్థిరపడింది. జాతీయ స్టాక్ ఎక్స్చేంజి సూచీ నిఫ్టీ 180 పాయింట్ల లాభంతో 16 వేల 520 వద్ద సెషన్ను ముగించింది.
లాభనష్టాల్లో ఇవే..
టెక్ మహీంద్రా, హెచ్సీఎల్ టెక్, టీసీఎస్, రిలయన్స్, ఎస్బీఐఎన్, ఇన్ఫీ, విప్రో, టైటాన్, ఇండస్ఇండ్ బ్యాంక్, హెడ్ఎఫ్సీ, ఐటీసీ, టాటాస్టీల్ లాభాలతో రాణించాయి. ఎన్టీపీసీ, కొటాక్ బ్యాంక్, పవర్ గ్రిడ్, సన్ఫార్మా షేర్లు నష్టపోయాయి.
రూపాయి..
అంతర్జాతీయ మార్కెట్లో రూపాయి మారకపు విలువ డాలరుతో పోలిస్తే.. 8 పైసలు నష్టపోయి రూ.80 వద్ద స్థిరపడింది. మంగళవారం.. 6 పైసలు క్షీణించి 79.92 వద్ద ముగిసింది.
ఇవీ చదవండి: రెస్టారెంట్స్లో సర్వీస్ ఛార్జ్ కేసులో ట్విస్ట్.. బ్యాన్పై దిల్లీ హైకోర్టు స్టే
