స్టాక్​ మార్కెట్లలో మళ్లీ జోష్​.. 58 వేల మార్కుకు చేరువలో సెన్సెక్స్​

Stock Market Close: దేశీయ స్టాక్​ మార్కెట్లు వరుసగా రెండో సెషన్​లో లాభాలు నమోదుచేశాయి. బొంబాయి స్టాక్​ ఎక్స్చేంజి సూచీ సెన్సెక్స్​ 350 పాయింట్లు పెరిగి 57 వేల 944 వద్ద స్థిరపడింది. జాతీయ స్టాక్​ ఎక్స్చేంజి సూచీ నిఫ్టీ 103 పాయింట్ల లాభంతో 17 వేల 325 వద్ద సెషన్​ను ముగించింది. నేటి సెషన్​లో సూచీలు మొత్తం లాభాల్లోనే కదలాడాయి. తొలుత సెన్సెక్స్​ దాదాపు 220 పాయింట్ల లాభంతో ప్రారంభమైంది. ఆ తర్వాత కాస్త ఒడుదొడుకులకు లోనైనా సానుకూలంగానే ట్రేడయింది. ఓ దశలో దాదాపు 400 పాయింట్లకుపైగా పెరిగి 58,002 వద్ద గరిష్ఠాన్ని నమోదుచేసింది. 57 వేల 639 వద్ద కనిష్ఠాన్ని తాకింది.