Stock Market Closing Today : వారాంతపు సెషన్లో దేశీయ స్టాక్ మార్కెట్లు భారీ నష్టాలతో ముగిశాయి. బొంబాయి స్టాక్ ఎక్స్చేంజి సూచీ సెన్సెక్స్ 887.64 పాయింట్లు నష్టపోయి 66,684.26 వద్ద ముగిసింది. మరోవైపు జాతీయ స్టాక్ ఎక్స్చేంజి ఇండెక్స్ నిఫ్టీ వరుసగా ఆరు రోజులు జోరును కొనసాగించగా శుక్రవారం మాత్రం నష్టాలను చవిచూసింది. కాగా, సూచీ 234.15 పాయింట్లు క్షీణించి 19,745 వద్ద స్థిరపడింది. 2023-24 ఆర్థిక సంవత్సరానికి స్థిర కరెన్సీ వద్ద ఆదాయ వృద్ధి అంచనాలను 4-7 శాతం నుంచి 1-3.5 శాతానికి ఇన్ఫోసిస్ తగ్గించిన నేపథ్యంలో ఆ సంస్థ షేరు కుదేలైంది. శుక్రవారం నిఫ్టీ ట్రేడింగ్లో 7 శాతానికి పైగా నష్టపోయిన ఇన్ఫోసిస్ షేర్ సెన్సెక్స్ సూచీలో 8.18 శాతం షేర్ విలువను నష్టపోయింది. అలాగే అంతర్జాతీయంగా అనిశ్చితులు మార్కెట్లకు ప్రతికూల సంకేతాలు పంపాయి. ఫలితంగా దేశీయ స్టాక్ మార్కెట్లు నష్టాలతో ముగిశాయి.
ఇన్ఫోసిస్ ఎఫెక్ట్..
Stock Market Closing Points Today : అయితే ఇన్ఫోసిస్ ప్రకటన ప్రభావం భారత ఐటీ రంగంపై తీవ్ర ప్రతికూల ప్రభావాన్ని చూపింది. మొత్తంగా మార్కెట్ ముగింపు సమయానికి 36 నిఫ్టీ షేర్లు నష్టాలతో ముగియగా.. 14 స్టాక్లు లాభపడ్డాయి.
లాభాలతో ముగిసిన షేర్లు..
ఎల్ అండ్ టీ, ఎన్టీపీసీ, కోటక్ బ్యాంక్, టాటా మోటార్స్, ఎస్బీఐఎన్, ఐసీఐసీఐ బ్యాంక్, సన్ ఫార్మా, మారుతీ, భారతి ఎయిర్టెల్ కంపెనీల ట్రేడింగ్ లాభాలతో ముగిసింది.
నష్టాల బాటలో ఈ సంస్థలు..
హెచ్డీఎఫ్సీ బ్యాంక్, టీసీఎస్, విప్రో, రిలయన్స్, హెచ్సీఎల్ టెక్, హెచ్యూఎల్, ఇన్ఫీ, టెక్ మహీంద్రా, నెస్లే ఇండియా, పవర్ గ్రిడ్, బజాజ్ ఫైనాన్స్, ఏషియన్ పేయింట్స్, టాటా స్టీల్, టైటాన్, ఐటీసీ, యాక్సిస్ బ్యాంక్, ఇండస్ఇండ్ బ్యాంక్, మహీంద్రా అండ్ మహీంద్రా సహా మరి కొన్ని కంపెనీల షేర్లు నష్టాలతో ముగిశాయి.
రూపాయి రేట్!
Rupee Open : అంతర్జాతీయ మార్కెట్లో రూపాయి మారకపు విలువ డాలర్తో పోల్చితే 4 పైసలు క్షీణించి రూ.81.97 వద్ద స్థిరపడింది.
ముడిచమురు ధర..
అంతర్జాతీయ మార్కెట్లో ముడిచమురు ధర 1.19 శాతం పెరిగింది. ప్రస్తుతం బ్యారెల్ ధర 80.59 డాలర్లుగా ఉంది.
ఇతర మార్కెట్లు ఇలా..
ఆసియాలోని సియోల్, టోక్యో, షాంఘై, హాంకాంగ్‌లలో కూడా ఈక్విటీ మార్కెట్లు కూడా నష్టాలతో ముగిశాయి.
