Facebook Meta COO Resign:ఫేస్బుక్ మాతృసంస్థ మెటాలో చీఫ్ ఆపరేటింగ్ ఆఫీసర్(సీఓఓ)గా విధులు నిర్వర్తిస్తున్న షెరిల్ సాండ్బర్గ్ అనూహ్యంగా పదవి నుంచి తప్పుకున్నారు. ఈ మేరకు బుధవారం ఆమె ప్రకటించారు. అయితే పదవి నుంచి వైదొలగడానికి కారణం మాత్రం తెలియజేయలేదు. దాతృత్వ కార్యక్రమాలపై పూర్తి దృష్టి పెట్టాలనుకుంటున్నట్లు ఫేస్బుక్ పోస్టులో ఆమె తెలిపారు.
శాండ్బర్గ్ పోస్టుపై ఫేస్బుక్ మెటా సీఈఓ మార్క్ జుకర్బర్గ్ స్పందించారు. శాండ్బర్గ్.. కంపెనీ డైరక్టర్ల బోర్డులో కొనసాగుతారని చెప్పారు. తమ సంస్థ తదుపరి సీఓఓగా చీఫ్ గ్రోత్ ఆఫీసర్ జేవియర్ ఒలివాన్ బాధ్యతలు తీసుకుంటారని ప్రకటించారు. "2007లో షెరిల్ ఫేస్బుక్లో చేరినప్పుడు, నా వయస్సు కేవలం 23 సంవత్సరాలు. ఆ సమయంలో నాకు కంపెనీని నడపడం గురించి ఏమీ తెలియదు. సాండ్బర్గ్ నాకు సహకరించి కంపెనీని బాగా నడిపించారు" అని జుకర్బర్గ్ ఓ పోస్ట్‌లో తెలిపారు.
షెరిల్ సాండ్బర్గ్.. ఫేస్బుక్లో చేరకముందు గూగుల్ వైస్ ప్రెసిడెంట్గా బాధ్యతలు నిర్వర్తించేవారు. అయితే ఆ సమయంలో ఆమె టెక్ ఫీల్డ్లో ఒక ఉన్నతస్థాయి వ్యక్తిగా ఎదిగారు. సాండ్బర్గ్.. ఫేస్బుక్లో చేరాకే ఆ సంస్థ ఆదాయం భారీగా పెరిగిందని టెక్ వర్గాలు మాట్లాడుకుంటున్నాయి.
కోరలు చాస్తున్న 'ద్వేషం'.. మరోవైపు.. ఫేస్బుక్ మాతృసంస్థ మెటా విడుదల చేసిన నెలవారీ నివేదిక ప్రకారం.. ఏప్రిల్‌ నెలలో ఫేస్బుక్లో ద్వేషపూరిత పోస్టులు 37.82 శాతం పెరిగాయి. ఇన్‌స్టాగ్రామ్‌లో 86 శాతం పెరిగింది. మార్చి నెలతో పోలిస్తే మరింత పెరిగినట్లు తెలుస్తోంది.
ఇవీ చదవండి: భారీగా పెరిగిన బంగారం, వెండి ధరలు.. ఏపీ, తెలంగాణలో ఇలా?
