Richest Youtuber in India Net Worth : యూట్యూబ్ ఒక సోషల్ మీడియా సంచలనం. అత్యంత సామాన్యులను న్యూ జనరేషన్ డిజిటల్ సెలబ్రిటీలుగా తీర్చిదిద్దిన వేదిక ఇది. వంటల నుంచి టెక్ న్యూస్ వరకు, కామెడీ స్కిట్ల నుంచి సాహస కృత్యాల వరకు అన్ని రకాల కంటెంట్ దీనిలో అందుబాటులో ఉంటుంది. నేటి కాలంలో యూట్యూబ్ అనేది ఒక గొప్ప ఎడ్యుకేషన్ వేదికగా కూడా పనిచేస్తోంది. ఇలాంటి వేదికను ఆసరా చేసుకుని అనేక మంది కోట్లాది రూపాయలు సంపాదిస్తున్నారు. మరి వీరందరిలో రిచెస్ట్ యూట్యూబర్ ఎవరో మీకు తెలుసా? ఆయన ఎవరో తెలుసుకుందాం పదండి.
క్యారీ మినటీ, ఆశిశ్ చంచ్లానీ, అజయ్ నగేర్, అమిత్ భడనా, సందీప్ మహేశ్వరి- ఇలా యూట్యూబ్ ద్వారా దేశంలో ఎంతోమంది చాలా ఫేమస్ అయ్యారు. కానీ, ఓ వ్యక్తి మాత్రం కామెడీ సిరీస్లు చేస్తూ దేశంలోనే రిచెస్ట్ యూట్యూబర్గా ఘనత వహించారు. ఆయనే 'బీబీ కి వైన్స్' ఛానెల్ యజమాని భువన్ బామ్. 29 ఏళ్ల భువన్ బామ్కు ప్రస్తుతం యూట్యూబ్లో సుమారు 2.6 కోట్ల మంది సబ్స్క్రైబర్లు ఉన్నారు. ప్రస్తుతం ఈయన దాదాపు రూ.122 కోట్ల నెట్వర్త్తో దేశంలోనే రిచెస్ట్ యూట్యూబర్గా పేరు సంపాదించారు. గుజరాత్ వడోదరకు చెందిన ఓ మధ్య తరగతి కుటుంబం నుంచి వచ్చిన భువన్ తొలుత మ్యూజిషియన్గా కెరీర్ ప్రారంభించారు. కెఫే, రెస్టారెంట్లలో సంగీత ప్రదర్శన ఇచ్చేవారు. నెలకు కేవలం ఐదు వేల రూపాయలు సంపాదించేవారు. ఆ తర్వాత 2015లో యూట్యాబ్ ఛానెల్ను ప్రారంభించి అంచలంచెలుగా ఎదిగారు.
తన యూట్యూబ్ ఛానెల్ బీబీ కి వైన్స్లో మొదట చిన్న స్కిట్స్ను అప్లోడ్ చేసేవారు. ఆయన పోషించిన తితు మామా, బంచోద్దస్, సమీర్ ఫుద్ది, బాంచో, బబ్లూజి అండ్ బబ్లి సర్ లాంటి పాత్రలు ఆయనకు ఎంతో పేరు తెచ్చాయి. దీంతో తక్కువ సమయంలోనే దేశంలో యూట్యూబ్లో మోస్ట్ పాపులర్ అయ్యారు. ఫేమ్ సంపాదించిన తర్వాత 2021లో సొంతంగా దిండోరా అనే ఓ కామెడీ సిరీస్ను రూపొందించారు. భారత్లో బిలియన్ వ్యూస్ సంపాదించిన తొలి లిమిటెడ్ సిరీస్గా అది రికార్డ్ కొట్టింది. ఈ సిరీస్లో తన నటనతో అందరినీ ఆకట్టుకున్నారు భువన్ బామ్. ఆ తర్వాత శ్రియ పిల్గౌకర్, ప్రతమేశ్ పరబ్, దేవేన్ భోజని, నిత్య మథుర్తో కలిపి డిస్నీ హాట్స్టార్లో ఫాంటసీ కామెడీ మినీ సిరిస్ తాజా కబర్లో నటించారు. అమెజాన్ ప్రైమ్లో శ్రీశ్టి గంగూలీతో కలిసి రఫ్తా రఫ్తా అనే మరో రొమాంటిక్ కామెడీని చేశారు. ప్లస్ మైనస్ అనే షార్ట్ ఫిల్మ్కు 2019 ఫిల్మ్ఫేర్ అవార్డును పొందారు. 2023లో మోస్ట్ స్టైలిష్ డిజిటల్ ఎంటర్టైనర్గా ఎంపికయ్యారు.
YouTubers Failing Reasons : మీ యూట్యూబ్ ఛానల్ సక్సెస్ కావాలా?.. ఈ తప్పులు చేయకండి!
పల్లెటూరి మేడమ్ ఇంగ్లిష్ పాఠాలు- యూట్యూబ్ ద్వారా నెలకు రూ.లక్షల్లో ఆదాయం!
