స్టాక్ మార్కెట్లు దాదాపు ఫ్లాట్గా ముగిశాయి. గురువారం సెషన్లో బీఎస్ఈ-సెన్సెక్స్ అతి స్వల్పంగా 32 పాయింట్లు పెరిగి 49,765 వద్ద స్థిరపడింది. ఎన్ఎస్ఈ-నిఫ్టీ అత్యల్పంగా 30 పాయింట్ల లాభంతో 14,894 వద్దకు చేరింది.
ఇంట్రాడే సాగిందిలా..
సెన్సెక్స్ 50,375 పాయింట్ల అత్యధిక స్థాయి, 49,535 పాయింట్ల అత్యల్ప స్థాయిలను నమోదు చేసింది.
నిఫ్టీ 15,044 పాయింట్ల గరిష్ఠ స్థాయి, 14,814 పాయింట్ల కనిష్ఠ స్థాయిల మధ్య కదలాడింది.
లాభనష్టాల్లోనివి ఇవే..
బజాజ్ ఫిన్సర్వ్, బజాజ్ ఫినాన్స్, ఇండస్ఇండ్ బ్యాంక్, యాక్సిస్ బ్యాంక్, రిలయన్స్ ఇండస్ట్రీస్ లాభాల్లో ప్రధానంగా ఉన్నాయి.
బజాజ్ ఆటో, ఎస్బీఐ, హెచ్సీఎల్టెక్, హెచ్డీఎఫ్సీ, ఎల్&టీ షేర్లు ఎక్కువగా నష్టపోయాయి.
ఇతర మార్కెట్లు
ఆసియాలో ఇతర ప్రధాన మార్కెట్లలో.. షాంఘై, హాంగ్ సెంగ్ సూచీలు లాభాలను గడించాయి. కోస్పీ నష్టపోయింది. నిక్కీ సెలవులో ఉంది.
