టోకు ధరల ఆధారిత ద్రవ్యోల్బణం సూచీ (డబ్ల్యూపీఐ) -3.21 శాతానికి దిగొచ్చింది. ఇంధనం, విద్యుత్ ధరల పతనమే ఇందకు కారణమని కేంద్రం ప్రకటించింది. అయితే ఆహార పదార్థాల ద్రవ్యోల్బణం 1.13 శాతంగా నమోదైనట్లు వెల్లడించింది.
- 2020 మే నెలకు గాను టోకు ద్రవ్యోల్బణం -3.21 శాతంగా నమోదైంది. గతేడాది మే నెలలో ఇది - 2.79 శాతంగా ఉంది.
- విద్యుత్, ఇంధన ద్రవ్యోల్బణం -19.83 శాతానికి పడిపోయింది. గత నెలలో -10.12 శాతం నమోదైంది.
- ఆహార పదార్థాల ద్రవ్యోల్బణం 1.13 శాతం. ఏప్రిల్లో ఇది 2.55 శాతంగా నమోదైంది.
- తయారీరంగ ఉత్పత్తుల ద్రవ్యోల్బణం -0.42 శాతం
దేశవ్యాప్తంగా కొనసాగుతున్న లాక్డౌన్ కారణంగా ఎలక్ట్రానిక్ విధానంలో ధరల సమాచారాన్ని సేకరించినట్లు కేంద్రం వెల్లడించింది. ఎంపిక చేసిన సంస్థాగత వర్గాలు, పరిశ్రమల నుంచి నేషనల్ ఇన్ఫర్మేటిక్స్ సెంటర్ (ఎన్ఐసీ) వెబ్సైట్ ద్వారా డేటాను గ్రహించినట్లు స్పష్టం చేసింది.
ఇదీ చూడండి: మే నెలలో ఆహార ద్రవ్యోల్బణం 9.28 శాతం
