రాష్ట్రాలకు వస్తు సేవల పన్ను (జీఎస్టీ) పరిహారాన్ని కేంద్రమే చెల్లించాలని పలు రాష్ట్రాలు డిమాండ్ చేస్తున్న వేళ.. జీఎస్టీ మండలి సోమవారం భేటీ కానుంది. కేంద్ర ఆర్థిక మంత్రి నిర్మాలా సీతారామన్ అధ్యక్షతన ఈ సమావేశం జరగనుంది. వీడియో కాన్ఫరెన్స్ ద్వారా రాష్ట్రాల ఆర్థిక మంత్రులు ఈ భేటీలో పాల్గొననున్నారు.
గత వారం జరిగిన జీఎస్టీ మండలి భేటీలో పరిహారం అంశం చర్చకు రాగా.. ఆదాయ లోటును భర్తీ చేసేందుకు కేంద్రం చెప్పిన రెండు ప్రతిపాదనల్లో మొదటిదానికి 21 రాష్ట్రాలు అంగీకరించగా.. కాంగ్రెస్ పాలిత రాష్ట్రాలు, పలు ఇతర రాష్ట్రాలు రెండింటినీ తిరస్కరించాయి. ఈ నేపథ్యంలో పరిహారం అంశంపై ప్రతిష్టంభన నెలకొంది. దీనితో మరోసారి ఈ అంశంపై విస్తృతంగా చర్చించేందుకు జీఎస్టీ మండలి సోమవారం భేటీ కావాలని నిర్ణయించింది.
దీనితో పాటు.. పరిహారంపై ఏకాభిప్రాయానికి ప్యానెల్ను ఏర్పాటు చేయాలన్న భాజపాయేతర పాలిత రాష్ట్రాలు సూచించిన అంశంపై చర్చించే అవకాశముందని విశ్వసనీయ వర్గాల సమాచారం.
ఇదీ చూడండి:కరోనా వేళ సత్తా చాటిన 'పీసీల' మార్కెట్‌
