కరోనా కారణంగా ఈ ఏడాది ఆర్థిక వ్యవస్థపై తీవ్ర ప్రభావం పడింది. ఫలితంగా వస్తు సేవల పన్ను(జీఎస్టీ) రాబడులు గణనీయంగా తగ్గాయి. అయితే.. క్రమంగా పుంజుకుంటూ ఈ ఆర్థిక ఏడాదిలో తొలిసారి సెప్టెంబర్లో జీఎస్టీ వసూళ్లు గరిష్ఠస్థాయిని తాకాయి. సెప్టెంబర్లో రూ.95,480 కోట్ల మేర ఆదాయం సమకూరినట్లు ఆర్థిక శాఖ వెల్లడించింది. గత ఏడాది 2019, సెప్టెంబర్లో జీఎస్టీ వసూళ్లతో పోల్చితే.. ఈ ఏడాది సెప్టెంబర్లో 4 శాతం వృద్ధి నమోదు చేసినట్లు తెలిపింది.
" 2020, సెప్టెంబర్లో జీఎస్టీ వసూళ్లు రూ. 95,480 కోట్లు. అందులో కేంద్ర జీఎస్టీ రూ.17,741 కోట్లు, రాష్ట్రాల జీఎస్టీ రూ.23,131 కోట్లు, ఐజీఎస్టీ రూ.47,484 కోట్లు, సెస్ రూ.7,124 కోట్లు ఉన్నాయి.
- ఆర్థిక శాఖ.
గతంలో ఇలా...
- ఏప్రిల్- రూ.32,172కోట్లు
- మే- రూ.62,151 కోట్లు
- జూన్- రూ. 90.917కోట్లు
- జులై- రూ.87,422కోట్లు
- ఆగస్టు- రూ.86,449 కోట్లు
ఇదీ చూడండి: డెబిట్‌, క్రెడిట్‌ కార్డు లావాదేవీలకు అదనపు భద్రత
