సూక్ష్మ, చిన్న, మధ్య తరహా పరిశ్రమలకు (ఎంఎస్ఎంఈ).. ప్రభుత్వ రంగ బ్యాంకుల ద్వారా సెప్టెంబర్ 10 నాటికి రూ.1.63 లక్షల కోట్ల రుణాలు మంజూరు చేసినట్లు కేంద్ర ఆర్థిక శాఖ వెల్లడించింది. ఎంఎస్ఎంఈలను ఆదుకునేందుకు కేంద్రం ప్రకటించిన ప్రత్యేక రుణ లభ్యత పథకం కింద వీటిని మంజూరు చేసినట్లు పేర్కొంది. మొత్తం 42 లక్షలకుపైగా వ్యాపారాలకు ఈ రుణాలు ఇచ్చినట్లు తెలిపింది.
ఇందులో ఇప్పటికే 25 లక్షల ఎంఎస్ఎంఈలకు.. రూ.1.18 లక్షల కోట్లు అందించినట్లు ఆర్థిక శాఖ వివరించింది.
ఆత్మ నిర్భర్ భారత్లో భాగంగా..
లాక్డౌన్ నేపథ్యంలో కుదేలైన దేశ ఆర్థిక వ్యవస్థను ఆదుకునేందుకు 'ఆత్మ నిర్భర్ భారత్' పేరుతో కేంద్రం రూ.20లక్షల కోట్ల ప్యాకేజీని ప్రకటించింది. ఇందులో సూక్ష్మ, చిన్న, మధ్య తరహా పరిశ్రమలకు అత్యవసర రుణ గ్యారెంటీ పథకం కింద రూ.3 లక్షల కోట్లు కేటాయించారు.
ఇదీ చూడండి:బంగారం ధరలు తగ్గితే రుణాలపై ప్రభావమెంత?
