దేశీయ టెలికాం దిగ్గజం వొడాఫోన్-ఐడియా ప్రస్తుత ఆర్థిక సంవత్సరం మూడో త్రైమాసికంలోనూ తేరుకోలేకపోయింది. 2019-20 డిసెంబర్ త్రైమాసికంలో ఈ సంస్థ రూ.6,438.8 కోట్ల నష్టాన్ని ప్రకటించింది. గత ఆర్థిక సంవత్సరం ఇదే సమయంలో సంస్థ నష్టం రూ.5,004.6 కోట్లుగా ఉంది.
ఏజీఆర్ బకాయిలు చెల్లించాల్సిందేనని సుప్రీం కోర్టు ఇచ్చిన తీర్పుతో.. సంస్థ సంక్షోభంలో కూరుకుపోయింది. ఈ కారణంగా త్రైమాసిక ఫలితాల్లో వరుసగా భారీ నష్టాలను ప్రకటిస్తూ వస్తోంది.
ఆదాయం 5 శాతం క్షీణత..
ప్రస్తుత ఆర్థిక సంవత్సరం మూడో త్రైమాసికంలో వొడాఫోన్-ఐడియా పూర్తి ఆదాయం 5 శాతం తగ్గి రూ.11,380.5 కోట్లకు చేరింది. గత ఆర్థిక సంవత్సరం ఇదే త్రైమాసికంలో సంస్థ ఆదాయం రూ.11,982.8 కోట్లుగా ఉంది.
ఇదీ చూడండి:భారత పర్యటన: ఓ వైపు ట్రంప్.. మరోవైపు సత్యనాదెళ్ల!
