మార్కెట్లోకి 'వివో యూ20'.. ధర, కీలక ఫీచర్లు ఇవే

వివో నుంచి మరో బడ్జెట్​ ఫోన్ మార్కెట్లోకి విడుదలైంది. వివో యూ20 పేరుతో విపణిలోకి వచ్చిన ఈ ఫోన్ ధర (4జీబీ వేరియంట్) రూ.10,990గా నిర్ణయించింది. మరి ఈ ఫోన్ ప్రత్యేకతలేంటో ఓ లుక్కేయండి.

భారత మార్కెట్లో మరో బడ్జెట్​ స్మార్ట్​ఫోన్​ను విడుదల చేసింది చైనాకు చెందిన స్మార్ట్​ఫోన్ తయారీ సంస్థ వివో. యూ సిరీస్​ ఫోన్లకు కొనసాగింపుగా.. యూ20 పేరుతో ఈ మోడల్​ను తీసుకువచ్చింది.

4 జీబీ ర్యామ్, 64 జీబీ స్టోరేజీ, 6 జీబీ ర్యామ్, 64 జీబీ రామ్ వేరియంట్లలో ఈ మోడల్​ను అందుబాటులోకి తెచ్చింది వివో. వీటి ధరలు వరుసగా రూ.10,990, రూ.11,990 గా నిర్ణయించింది. ఈ మోడల్ ఫోన్లను గ్రేటర్ నోయిడాలోని సంస్థ తయారీ కేంద్రంలోనే ఉత్పత్తి చేస్తున్నట్లు వివో వెల్లడించింది.

వివో యూ20 మోడల్ ఫోన్లు అమెజాన్, వివో ఇండియా ఈ-స్టోర్లలో ఈ నెల 28 నుంచి అందుబాటులో ఉండనున్నాయి.

వివో యూ20

యూ20 ఫీచర్లు..

• 6.53 అంగుళాల ఫుల్ హెచ్​డీ డిస్​ప్లే
• ఏఐ ట్రిపుల్ రియర్ కెమెరా (16 ఎంపీ+8ఎంపీ+2ఎంపీ)
• 16 ఎంపీ సెల్ఫీ కెమెరా
• క్వాల్కమ్ స్నాప్​డ్రాగన్ 675 ప్రాసెసర్
• ఆండ్రాయిడ్​ 9 ఓఎస్​
• 5000 ఎంఏహెచ్​ బ్యాటరీ.. ఫాస్ట్​ ఛార్జింగ్ సపోర్ట్​

ఇదీ చూడండి:రెడ్​ మీ కే30లో అదిరే ఫీచర్లు.. భారత్​కు 5జీ మోడల్?