ప్రముఖుల ట్విట్టర్​ ఖాతాలను ఎలా హ్యాక్ చేశారంటే?

ప్రపంచవ్యాప్తంగా హై- ప్రొఫైల్​ వ్యక్తుల ట్విట్టర్​ హ్యాకింగ్​పై ఆ సంస్థ మరిన్ని వివరాలు వెల్లడించింది. ఫోన్​ ద్వారా తమ సంస్థ ఉద్యోగులను హ్యాకర్లు మోసం చేసి సున్నితమైన సమాచారాన్ని కాజేశారని తెలిపింది. ఇందుకు 'ఫోన్​ స్పియర్ ఫిషింగ్' సాంకేతికతను ఉపయోగించారని వివరించింది.

ప్రముఖుల ఖాతాల హ్యాకింగ్​పై సామాజిక మాధ్యమ దిగ్గజం ట్విట్టర్ మరిన్ని వివరాలు వెల్లడించింది. యాక్సెస్​ కోసం తమ సంస్థ ఉద్యోగులను మోసం చేయటానికి ఫోన్​ను ఉపయోగించినట్లు గురువారం తెలిపింది. కొంత మంది ఉద్యోగులే లక్ష్యంగా 'ఫోన్​ స్పియర్ ఫిషింగ్'​ ద్వారా దాడి చేసినట్లు స్పష్టం చేసింది.

• The attack on July 15, 2020, targeted a small number of employees through a phone spear phishing attack. This attack relied on a significant and concerted attempt to mislead certain employees and exploit human vulnerabilities to gain access to our internal systems.

  — Twitter Support (@TwitterSupport) July 31, 2020 " class="align-text-top noRightClick twitterSection" data="

  The attack on July 15, 2020, targeted a small number of employees through a phone spear phishing attack. This attack relied on a significant and concerted attempt to mislead certain employees and exploit human vulnerabilities to gain access to our internal systems.

  — Twitter Support (@TwitterSupport) July 31, 2020

  ">

  The attack on July 15, 2020, targeted a small number of employees through a phone spear phishing attack. This attack relied on a significant and concerted attempt to mislead certain employees and exploit human vulnerabilities to gain access to our internal systems.

  — Twitter Support (@TwitterSupport) July 31, 2020

"ఈ దాడితో కొంతమంది ఉద్యోగులను తప్పుదారి పట్టించి మా అంతర్గత వ్యవస్థలకు యాక్సెస్ ​పొందడానికి ప్రయత్నించారు. మానవ తప్పిదాలను ఆసరాగా చేసుకుని ఈ దాడికి పాల్పడ్డారు."

- ట్విట్టర్ ప్రకటన.

దర్యాప్తు తర్వాతే..

అయితే హ్యాకింగ్​ ఎలా జరిగిందన్న విషయంపై పూర్తి సమాచారాన్ని ట్విట్టర్​ వెల్లడించలేదు. న్యాయపరమైన దర్యాప్తు పూర్తయ్యాక అన్ని విషయాలు బహిర్గతం చేస్తామని వివరించారు అధికారులు.

భారీ హ్యాకింగ్​..

బరాక్ ఒబామా, బిల్​ గేట్స్​, టెస్లా అధినేత ఎలాన్ మస్క్, కిమ్​ కర్దాషియాన్​ వంటి ప్రముఖుల ఖాతాలు హ్యాక్​కు గురయ్యాయి. బిట్​కాయిన్​ ద్వారా డబ్బు పంపాలని ఈ ఖాతాల నుంచి హ్యాకర్లు పిలుపునిచ్చారు. వీరి ఫాలోవర్ల నుంచి డబ్బు కాజేయాలని ఈ భారీ హ్యాకింగ్​కు పాల్పడ్డారు.

ప్రపంచవ్యాప్తంగా 130మంది ప్రముఖుల ట్విట్టర్​ ఖాతాలు హ్యాక్ చేసినట్లు ట్విట్టర్​ అంగీకరించింది. జులై 15న జరిగిన ఈ దాడిలో 45 ఖాతాల పాస్​వర్డ్​లను హ్యాకర్లు రీసెట్ చేయగలిగారని తెలిపింది. 36 మంది మెస్సేజ్ ఇన్​బాక్స్​లను యాక్సెస్​ చేయగలిగారు. 7 ఖాతాల నుంచి ట్విట్టర్ సమాచారాన్ని డౌన్​లోడ్ చేశారు.

స్పియర్ ఫిషింగ్ అంటే..

హ్యాకింగ్​లో స్పియర్ ఫిషింగ్​ అనేది మరింత లక్షితంగా దాడులు చేసేందుకు వినియోగిస్తారు. సున్నితమైన సమాచారాన్ని పొందేందుకు ఈమెయిల్​ లేదా ఇతర ఎలక్ట్రానిక్ కమ్యూనికేషన్ల ద్వారా మోసగిస్తారు.

ఇదీ చూడండి: తప్పు జరిగింది.. క్షమించండి: ట్విట్టర్