ఫ్రాన్స్కు చెందిన ఇంధన దిగ్గజ సంస్థ టోటల్.. గౌతమ్ అదానీ నేతృత్వంలోని అదానీ గ్యాస్ సంస్థలో 37.4 శాతం వాటా కొనుగోలు చేసినట్లు ప్రకటించింది. కానీ ఈ ఒప్పందం విలువ ఎంతో బయటకు వెలువరించలేదు.
సహజ వాయువు దిగుమతి, రిటైల్ అమ్మకంపై రెండు సంస్థలు 50:50 సంయుక్త వెంచర్ ప్రకటించిన ఏడాది తరువాత ఈ ప్రకటన చేసింది టోటల్ సంస్థ.
" అదానీ (50 శాతం), టోటల్ (50 శాతం) మధ్య భాగస్వామ్యంలో రెండు దిగుమతి టెర్మినళ్లు, ధ్రవీకృత సహజ వాయువు (ఎల్ఎన్జీ) రీ-గ్యాసిఫికేషన్ టెర్మినల్తో పాటు పలు ఆస్తులను కలిగి ఉంది. తూర్పు భారత్లో ధర్మ, దక్షిణ ప్రాంతంలో ముంద్రా, అదానీ గ్యాస్లు నగర గ్యాస్ పంపిణీలో ప్రధాన సంస్థలుగా ఉన్నాయి. అదానీ గ్రూప్ 74.8 శాతం వాటా కలిగి ఉంది. అందులోంచి మేము 37.4 శాతం వాటా కొనుగోలు చేస్తున్నాం."
- టోటల్, ఫ్రెంచ్ ఇంధన సంస్థ.
అదానీ గ్యాస్లో 37.4 శాతం వాటాను చేరుకునే ముందు సుమారు 25.2 శాతం మేర ఈక్విటీ షేర్లతో పబ్లిక్ ఇష్యూకి వెళ్లనున్నట్లు తెలిపింది టోటల్ సంస్థ. భారత సహజ వాయువు మార్కెట్ అభివృద్ధిలో భాగస్వామ్యమయ్యేందుకు అదానీ గ్రూప్లో తన వాటాను పెంచుకుంటున్నట్లు ప్రకటించింది.
2030 వరకు 15 శాతంగా...
భారత సహజ వాయువు మార్కెట్లో స్థిరమైన వృద్ధి కొనసాగుతోంది. ప్రస్తుతం ఇంధన వినియోగంలో 7 శాతంగా ఉంది. కానీ నగరాల్లో గ్యాస్ వినియోగం, వాహనాల్లో ఇంధనం ఉపయోగించేందుకు భారత ప్రభుత్వం తీసుకుంటున్న విధానాల కారణంగా గత మూడేళ్లలో ఏడాదికి 5 శాతం మేర వృద్ధి నమోదవుతోంది. 2030 వరకు ఇంధన వినియోగంలో సహజ వాయువు వాటా 15 శాతంగా ఉండాలనే లక్ష్యం నిర్దేశించుకుంది ప్రభుత్వం.
ఫ్రెంచ్ నైపుణ్యాలను భారత్కు..
అదానీ-టోటల్ సంస్థల భాగస్వామ్యంలో భాగంగా టోటల్ తన ఎల్ఎన్జీ, రిటైల్ నైపుణ్యాలను భారత్కు తీసుకువస్తుంది. అదానీ గ్యాస్కు ఎల్ఎన్జీని సరఫరా చేస్తుంది. భారత్తో పాటు బంగ్లాదేశ్లోనూ ఎల్ఎన్జీ మార్కెట్ను విస్తరించేందుకు సంయుక్తంగా వెంచర్ ఏర్పాటు చేయనుంది.
ఇదీ చూడండి: 'గ్యాస్ మౌలిక సదుపాయాలకై భారీ పెట్టుబడులు'
