దేశంలోని అతిపెద్ద ప్రభుత్వ రంగ బ్యాంకు ఎస్బీఐ (భారతీయ స్టేట్ బ్యాంకు) ప్రస్తుత ఆర్థిక సంవత్సరం మొదటి త్రైమాసికంలో రూ.2,312 కోట్లు నికర లాభాన్ని ఆర్జించింది. అధిక ఆదాయానికి తోడు మొండి బకాయిల తగ్గింపు చర్యలే ఇందుకు కారణం.
2018-19 ఏప్రిల్-జూన్ త్రైమాసికంలో ఎస్బీఐ రూ.4,875.85 కోట్ల నష్టాన్ని నమోదు చేయడం గమనార్హం.
స్టాక్ ఎక్స్ఛేంజ్ల్లో ఎస్బీఐ పోస్టు చేసిన ఆర్థిక ఫలితాల ప్రకారం, 2019-20లో బ్యాంకు స్థిర ఆదాయం రూ.70,653.23 కోట్లకు పెరిగింది.. 2018-19 ఆర్థిక సంవత్సరంలో ఈ ఆదాయం రూ.65,492.67 కోట్లుగా ఉంది.
ఎస్బీఐకి.... గతేడాది జూన్ చివరినాటికి 10.69 శాతంగా ఉన్న స్థూల నిరర్థక ఆస్తులు (ఎన్పీఏ), ఈ జూన్ చివరినాటికి 7.53 శాతానికి తగ్గాయి. అదే విధంగా 2018లో 5.29 శాతంగా ఉన్న నికర ఎన్పీఏలు, 2019 నాటికి 3.07 శాతానికి తగ్గాయి.
ప్రస్తుతం ఎస్బీఐ షేర్లు బీఎస్ఈలో ఒక్కోటి రూ.319.45 వద్ద ట్రేడవుతున్నాయి.
ఇదీ చూడండి: భారీ నష్టాల నుంచి లాభాల బాటలోకి..
