గెలాక్సీ-ఏ శ్రేణిలో మరో మిడ్ రేంజ్ ప్రీమియం ఫోన్ను భారత మార్కెట్లోకి విడుదల చేసింది స్మార్ట్ఫోన్ దిగ్గజం శాంసంగ్. గెలాక్సీ శ్రేణిలో నాలుగు వెనుక కెమెరాలతో ఏ70 తర్వాతి వెర్షన్గా ఏ71ను నేడు ఆవిష్కరించింది. దీని ధర రూ.29,999గా నిర్ణయించింది.
64 మెగా పిక్సెళ్ల ప్రధాన కెమెరాతో పాటు 12 ఎంపీ అల్ట్రావైడ్ (123 డిగ్రీల వ్యూ), 5 ఎంపీ మాక్రో, 5 ఎంపీ డెప్త్ కెమెరాను అందిస్తోంది. 32 ఎంపీ సెల్ఫీ కెమెరా ప్రత్యేకం. గెలాక్సీ ఏ71లో 'స్లో మోషన్ సెల్ఫీ'ని మొదటిసారిగా ప్రవేశపెట్టింది శాంసంగ్.
గెలాక్సీ ఏ71లో 4,500 ఎంఏహెచ్ బ్యాటరీతో పాటు 25వాట్ల సూపర్ ఫాస్ట్ ఛార్జింగ్ సౌకర్యం కల్పించింది. సిల్వర్, నీలి, నలుపు రంగుల్లో లభించే ఈ ఫోన్లు ఫిబ్రవరి 24 నుంచి అన్ని రిటైల్ స్టోర్లలో అందుబాటులోకి రానున్నాయి.
ప్రత్యేకతలు..
- 6.7 అంగుళాల తెర
- సూపర్ ఎమోలెడ్ ప్లస్తోపాటు ఇన్ఫినిటీ-ఓ-డిస్ప్లే
- 8జీబీ ర్యామ్-128 ఇంట్రా స్టోరేజి (512 జీబీ మెమొరీ కార్డ్ సామర్థ్యం)
- స్నాప్డ్రాగన్ 730 ప్రాసెసర్
- 4 వెనుక కెమెరాలు (64ఎంపీ+12ఎంపీ+5ఎంపీ+5ఎంపీ)
- 32ఎంపీ సెల్ఫీ కెమెరా
- 4,500 ఎంఏహెచ్ బ్యాటరీ సామర్థ్యం
- ధర రూ.29,999
