దేశంలో విక్రయించే అన్ని రకాల వాహనాలకు భారత్ స్టేజ్ (బీఎస్)- 6 ఉద్గార నియమాలను ఈ ఏడాది ఏప్రిల్ 1 నుంచి తప్పనిసరి చేసిన నేపథ్యంలో.. వాహన తయారీ సంస్థలు అందుకు అనుగణంగా చర్యలు చేపడుతున్నాయి. బీఎస్-6 వేరియంట్లకు తమ పాత మోడళ్లను నవీకరిస్తున్నాయి. ఇందులో భాగంగా కార్ల తయారీ సంస్థ మారుతీ సుజుకీ, మోటార్ బైక్ల తయారీ సంస్థ రాయల్ ఎన్ఫీల్డ్ కొత్త మోడళ్లను నేడు మార్కెట్లోకి విడుదల చేశాయి.
మారుతీ సుజుకీ సెలేరియో..
దేశీయ కార్ల తయారీ దిగ్గజం మారుతీ సుజుకీ ఇండియా (ఎంఎస్ఐ) నేడు భారత విపణిలోకి సెలేరియో హ్యాచ్బ్యాక్ మోడల్ను.. బీఎస్-6 వేరియంట్లో విడుదల చేసింది. సెలేరియో బీఎస్-6 పెట్రోల్ ఇంజిన్ వేరియంట్ ధరను (ఎక్స్షోరూం) రూ.4.41 లక్షల నుంచి రూ.5.72 లక్షలుగా నిర్ణయించింది సంస్థ.
సాహసాల బైక్ 'హిమాలయన్'
ప్రముఖ మోటార్ సైకిళ్ల తయారీ సంస్థ రాయల్ ఎన్ఫీల్డ్.. బీఎస్-6 ఉద్గార నియమాలను పాటించే హిమాలయన్ బైక్ నేడు మార్కెట్లోకి ఆవిష్కరించింది. ఈ మోడల్ ప్రారంభ ధర (ఎక్స్షోరూం) రూ.1.86 లక్షలుగా నిర్ణయించింది సంస్థ.
హిమాలయన్ బీఎస్6 వేరియంట్ బైక్.. దేశంలోని అన్ని డీలర్షిప్ స్టోర్లలో అందుబాటులో ఉన్నట్లు ప్రకటించింది.
