దేశంలో కరోనా వైరస్ వ్యాప్తి పెరుగుతున్న నేపథ్యంలో రిలయన్స్ సంస్థ పలు కీలక నిర్ణయాలు తీసుకుంది. కరోనా వ్యాప్తిని అరికట్టడంతో పాటు ప్రభుత్వానికి తమ వంతు సాయంగా కొన్ని సౌకర్యాలను కల్పిస్తూ ప్రకటన చేసింది రిలయన్స్ సంస్థ.
- మాస్కుల ఉత్పత్తిని రోజుకు లక్ష యూనిట్లకు పెంపు
- కరోనా బాధితులను మోసుకెళ్లే అత్యవసర వాహనాలకు ఉచితంగా ఇంధనం
- వివిధ నగరాల్లో జీవనోపాధి కోల్పోయిన వారికి ఉచిత భోజనం
- ముంబయిలోని కరోనా బాధితుల కోసం 100 పడకల ఆసుపత్రిని సిద్ధం చేసింది. వారి కోసం దేశంలో ఇదే తొలి ఆసుపత్రి.
- తమ సంస్థకు చెందిన ఒప్పంద, తాత్కాలిక ఉద్యోగులకూ పని లేకపోయినా వేతనం చెల్లింపులు
యాక్సిస్ బ్యాంకు 100 కోట్ల విరాళం..
దేశంలోని మూడో అతిపెద్ద ప్రైవేటు రంగ బ్యాంకు యాక్సిస్.. రూ.100 కోట్ల ఆర్థిక సాయం ప్రకటించింది. వినియోగదారులు, ఉద్యోగులు, ప్రభుత్వ ఏజెన్సీలకు ఈ డబ్బును వినియోగిస్తామని తెలిపింది.
అంతేకాకుండా మార్చి 31 వరకు సేవింగ్స్, కరెంట్ ఖాతా, ప్రీపెయిడ్ కార్డు ఖాతాదారులకు ఛార్జీలను ఎత్తివేసింది. ఐఎంపీఎస్, ఏటీఎం లావాదేవీలపై ఎలాంటి ఛార్జీలు విధించమని తెలిపింది.
ఇదీ చూడండి: కరోనాపై మహీంద్ర యుద్ధం- ఆటోల బదులు వెంటిలేటర్ల తయారీ
