Reliance Jio: భారత్‌లోనే అతిపెద్ద మొబైల్‌ దిగ్గజ సంస్థ రిలయన్స్ జియో మరోసారి బాండ్ల విక్రయాలు జరిపే అవకాశాలు కనిపిస్తున్నాయి. రూ.5 వేల కోట్ల విలువైన రూపీ బాండ్లను విక్రయించనుంది. ఈ బాండ్ల మెచ్యూరిటీ కాలం 5 సంవత్సరాలు కాగా.. వీటిపై 6.20శాతం విలువైన కూపన్స్‌ ఇవ్వనున్నట్లు ఓ ఆంగ్లపత్రికలో కథనం వెలువడింది.
ఈ మార్గంలో సమీకరించిన నిధులను చెల్లింపులకు సంబంధించిన రీఫైనాన్సింగ్‌కు వినియోగించనుంది. జియో చివరిసారిగా 2018లో బాండ్‌మార్కెట్‌ను ఉపయోగించుకొంది.
2016లో వైర్‌లెస్‌ టెలికాం మార్కెట్లోకి ప్రవేశించిన జియో చాలా వేగంగా నెంబర్‌వన్‌ స్థానానికి చేరుకొంది. జియో పోటీకి చాలా టెలికమ్‌ సంస్థలు తట్టుకోలేకపోయాయి. ఓ పక్క మార్కెట్లోని అదనపు నగదు ప్రవాహాన్ని తగ్గించేందుకు చర్యలు తీసుకొంటున్న సమయంలో జియో ఈ దిశగా నిర్ణయం తీసుకోవడం విశేషం.
ఈ ఏడాది జియో భారత్‌లో 5జీ సేవలు అందించేందుకు రంగం సిద్ధం చేస్తోంది.
ఇదీ చూడండి: 3 ట్రిలియన్ డాలర్ల తొలి కంపెనీగా 'యాపిల్' ఘనత!
