ఈ కామర్స్ దిగ్గజం ఫ్లిప్కార్ట్ వినియోగదారులకు వినూత్న ఆఫర్ ప్రకటించింది. బిగ్ బిలియన్ డేస్ సేల్స్కు ముందే.. వినియోగదారులు తమకు నచ్చిన ఉత్పత్తులను (ఎంపిక చేసిన వాటిని మాత్రమే) ప్రీ బుక్ చేసుకునే వీలు కల్పిస్తోంది.
ఆఫర్ ఎలా పని చేస్తుంది?
ఈ ఆఫర్తో అక్టోబర్ 11-14 మధ్య.. వినియోగదారులు తమకు నచ్చిన ఉత్పత్తులను కేవలం ఒక్క రూపాయి చెల్లించి ప్రీ ఆర్డర్ చేసుకోవచ్చు.
ఇలా ముందే బ్లాక్ చేసుకున్న ఆర్డర్ ధర మొత్తాన్ని 'బిగ్ బిలియన్ డేస్' సేల్ ప్రారంభం అయ్యాక ఆన్లైన్ ద్వారా చెల్లించాల్సి ఉంటుంది. ఆర్డర్ డెలివరీ సమయంలో నగదు రూపంలో కూడా చెల్లించే వీలుంది.
ఫ్లిప్కార్ట్ బిగ్ బిలియన్ డేస్ సేల్స్ ఆఫర్ అక్టోబర్ 16 నుంచి 21 వరకు అందుబాటులో ఉండనుంది.
ప్రీ ఆర్డర్ కోసం.. గృహోపకరణాలు, దుస్తులు, సౌందర్య సాధనాలు, ఎలక్ట్రానిక్ ఉపకరణాలు సహా మిలియన్ల కొద్దీ ఉత్పత్తులు అందుబాటులో ఉన్నాయని వివరించింది ఫ్లిప్కార్ట్.
