లండన్లో స్థిరాస్తి కొనుగోలు చేసే భారతీయులు భారీగా పెరుగుతున్నట్లు ఓ సర్వేలో వెల్లడైంది. స్థిరాస్తి సేవల సంస్థ నైట్ ఫ్రాంక్ విడుదల చేసిన ఓ నివేదికలో పలు ఆసక్తికర విషయాలు వెల్లడించింది.
ఈ నివేదిక ప్రకారం 2019 జూన్తో ముగిసిన ఏడాది కాలానికి.. లండన్లో స్థిరాస్తులు కొనుగోలు చేసే భారతీయుల సంఖ్య 11 శాతం పెరిగింది. భారత్లోని సంపన్నులకు.. స్థిరాస్తి కొనుగోలు చేసేందుకు ఆసక్తి చూపే నగరాల్లో లండన్ ప్రముఖంగా ఉన్నట్లు నైట్ ఫ్రాంక్ సంస్థ వెల్లడించింది.
భారతీయులు లండన్లో స్థిరాస్థి కొనుగోలు చేసే ప్రాంతాల్లో మైఫైర్, బెల్గ్రావియా, హైడై పార్క్, మెరిల్బోన్, సెయింట్ జాన్స్ ఉడ్లు ప్రధానంగా ఉన్నాయి. దాదాపు 20 శాతం డిస్కౌంట్తో జరిగిన విక్రయాలు.. భారతీయులకు మేలు చేకూర్చినట్లు నైట్ ఫ్రాంక్ అభిప్రాయపడింది.
ఇదీ చూడండి: భారత జీడీపీ వృద్ధి రేటు మరోసారి తగ్గించిన మూడీస్
