ప్రముఖ ఎలక్ట్రానిక్ దిగ్గజం నోకియా.. భారత్లో స్మార్ట్టీవీని ఆవిష్కరించేందుకు ఈ-కామర్స్ దిగ్గజం ఫ్లిప్కార్ట్తో ఒప్పందం కుదుర్చుకుంది. ఇప్పటికే మోటరోలా సంస్థ ఈ విధమైన ఒప్పందం కుదుర్చుకోవడం గమనార్హం.
ఈ రెండు సంస్థల మధ్య కుదిరిన ఒప్పందంతో దేశీయంగా తయారైన స్మార్ట్ టీవీలను ఈ బ్రాండ్‌పై త్వరలో విక్రయించనుంది ఫ్లిప్కార్ట్. ఈ స్మార్ట్ టీవీల్లో జేబీఎల్‌ సంస్థకు చెందిన స్పీకర్లు వాడుతుండడం ప్రత్యేకత అని ఫ్లిప్కార్ట్ సంస్థ ఓ ప్రకటనలో తెలిపింది. జేబీఎల్‌ సౌండ్‌ సిస్టంతో మరింత నాణ్యమైన ధ్వని అనుభూతి కలుగుతుందని పేర్కొంది.
'దిగ్గజ ఈ-కామర్స్ సంస్థ ఫ్లిప్కార్ట్తో కలిసి భారత్లో నోకియా బ్రాండ్‌తో స్మార్ట్ టీవీలు ప్రవేశపెట్టనున్నాం. నాణ్యతకు, నమ్మకానికి చిరునామాగా ఉన్న నోకియాకు ఇది చారిత్రక అధ్యాయం అవుతుంది. భారతీయుల టెక్‌ అవసరాలు, అభిరుచులు తెలిసిన ఫ్లిప్కార్ట్తో జట్టు కట్టడం వల్ల మా ఉత్పత్తులు జనాదరణ పొందుతాయని ఆశిస్తున్నాం.' అని నోకియా బ్రాండ్‌ వైస్‌ ప్రెసిడెంట్‌ అయిన విపుల్‌ మెహ్రోత్రా ఆశాభావం వ్యక్తం చేశారు.
"నోకియాతో కలిసి పని చేయడం వల్ల మా సంస్థ ద్వారా భారత వినియోగదారులకు అందించే ఎలక్ట్రానిక్ ఉత్పత్తుల నాణ్యత, టెక్నాలజీ మరింత విస్తరించినట్లవుతుంది. ఈ సంస్థతో కలిసి పని చేయడం పట్ల ఉత్సాహంగా ఉన్నాం. 200 మిలియన్ల మంది కొత్త వినియోగదారులను ఈ-కామర్స్ తమ వైపు తిప్పుకొనే లక్ష్యంగా మేం కొత్త వస్తువులను ప్రవేశపెడుతున్నాం."
- ఆదర్శ్‌ మేనన్‌, ఫ్లిప్కార్ట్ ఎలక్ట్రానిక్స్‌, ఫర్నీచర్‌ విభాగం సీనియర్‌ వైస్‌ ప్రెసిడెంట్‌.
ఇదీ చూడండి: నయా ఫీచర్: ఫేస్బుక్లో ఇక వార్తలకూ ఓ ప్రత్యేక స్థానం
