ఏదైనా కారణం వల్ల డెబిట్ కార్డ్ పోగొట్టుకుంటే.. దానిని బ్లాక్ చేసి.. కొత్త కార్డ్ తీసుకునే ప్రక్రియను మరింత సులభతరం చేసింది ఎస్బీఐ. ఖాతాదారు ఇకపై కార్డ్ బ్లాక్ చేసి కొత్త కార్డ్ పొందేందుకు ప్రత్యక్షంగా బ్యాంక్ బ్రాంచ్ను సంప్రదించాల్సిన అవసరం లేదు.
ఇందుకు ఖాతాదారుడు చేయాల్సిందల్లా.. రిజిస్టర్ మొబైల్ నెంబర్ నుంచి బ్యాంక్ టోల్ ఫ్రీ నంబర్కు కాల్ చేయడం. ఆ తర్వాత అందులో వాయిస్ అసిస్టెంట్ చెప్పే.. సూచనలు ఫాలో అవ్వడమే.
ఐవీఆర్లో చెప్పే ససూచనలు..
1. 1800 112 211 లేదా 1800 425 3800 టోల్ ఫ్రీ నంబర్కు కాల్ చేయాలి.
2. వాయిస్ అసిస్టెంట్ చెప్పిన వంటెనే కార్డ్ బ్లాకింగ్ కోసం '0' ప్రెస్ చేయాలి
3. ఇప్పుడు మీకు కార్డ్ బ్లాకింగ్ కోసం రెండు సదుపాయాలను చెబుతుంది వాయిస్ అసిస్టెంట్.
మొదటి ఆప్షన్ ఎంచుకుంటే.. పోగొట్టుకున్న డెబిట్ కార్డ్ నంబర్ చివరి ఐదు అంకెలు ఎంటర్ చేయాల్సి ఉంటుంది. ఆ తర్వాత 1 నొక్కి నిర్ధరించాల్సి ఉంటుంది.
రెండో ఆప్షన్ ఎంచుకుంటే... అకౌంట్ నంబర్లోని ఐదు అంకెలను ఎంటర్ చేయాల్సి ఉంటుంది. ఆ తర్వాత 1 నొక్కి నిర్ధరించాలి.
4. ఈ ప్రక్రియ పూర్తయినట్లు మీకు బ్యాంక్ నుంచి ఎస్ఎంఎస్ వస్తుంది.
కొత్త కార్డ్ కావాలంటే..
బ్లాకింగ్ ప్రక్రియ పూర్తియన తర్వాత.. కొత్త కార్డ్ కోసం అప్లయి చేయాలంటే.. మరోసారి 1 నొక్కాలి.
1. వాయిస్ అసిస్టెంట్ చెప్పినప్పుడు మీ పుట్టిన తేదీని ఎంటర్ చేయాల్సి ఉంటుంది.
2. ఆ తర్వాత 1 నొక్కడం ద్వారా కొత్త కార్డ్ రిక్వెస్ట్ పూర్తి చేయొచ్చు. 2 నొక్కడం ద్వారా రిక్వెస్ట్ క్యాన్సిల్ కూడా చేయొచ్చు.
3. రిక్వెస్ట్ కన్ఫార్మ్ చేస్తే.. బ్యాంక్ నుంచి మీ దరఖాస్తు పూర్తయినట్లు ఎస్ఎంఎస్ వస్తుంది.
గమనిక: కొత్త కార్డ్ జారీకి సంబంధించి ఛార్జీలను బ్యాంక్ మీ ఖాతా నుంచి ఛార్జ్ చేస్తుంది. కార్డ్ను నేరుగా మీ అడ్రస్కు పోస్ట్ ద్వారా పంపిస్తుంది.
ఇదీ చదవండి: వచ్చే నెల నుంచి ఆ బ్యాంకుల చెక్‌బుక్‌లు పనిచేయవు!
