భారీ అంచనాల నడుమ అక్టోబర్ 1 నుంచి మూడు రోజుల పాటు జరిగిన ఆర్బీఐ ద్రవ్య విధాన పరపతి విధాన సమీక్ష నేడు ముగిసింది. అనుకున్నట్లుగానే మరోసారి వడ్డీ రేటు తగ్గించింది. ఆర్బీఐ తీసుకున్న మరిన్ని నిర్ణయాలు క్లుప్తంగా..
- రెపో రేటు 25 బేసిస్ పాయింట్లు తగ్గింపు. 2019లో వరుసగా ఐదోసారి వడ్డీ కోత
- తాజా కోతతో 5.15 శాతానికి చేరిన రెపో రేటు. 4.90 శాతంగా రివర్స్ రెపో రేటు
- 25 బేసిస్ పాయింట్ల వడ్డీ కోతకు ద్రవ్య పరపతి విధాన కమిటీ సభ్యుల ఏకగ్రీవ ఆమోదం
- ప్రస్తుత ఆర్థిక సంవత్సరం జీడీపీ వృద్ధి అంచనా 6.1 శాతానికి తగ్గింపు. అంతకుముందు 6.9 శాతంగా ఉన్న వృద్ధి అంచనా
- ఆర్థిక వృద్ధి ఊతమిచ్చే విధానం కొనసాగించిన ఆర్బీఐ
- ప్రభుత్వ ఉద్దీపన చర్యలతో డిమాండ్ పెరుగుదల, పెట్టుబడుల వృద్ధికి అవకాశం
- ఈ ఏడాది రెండో అర్ధ భాగంలో చిల్లర ద్రవ్యోల్బణం 3.5-3.7 శాతం ఉంటుందని అంచనా
- అక్టోబర్ 1 నాటికి 434.6 బిలియన్ డాలర్లకు చేరిన విదేశీ మారకం నిల్వలు
- తదుపరి ద్రవ్య పరపతి విధాన సమీక్ష డిసెంబర్ 3-5 తేదీల్లో...
ఇదీ చూడండి: తగ్గిన గృహ, వాహన రుణాల వడ్డీ
