మార్కెట్లో ఈ మధ్య కాలంలో నకిలీ ఔషధాల దందా విపరీతంగా పెరిగిపోయింది. ముఖ్యంగా కరోనా వ్యాధికి వినియోగించే మందుల విషయంలో నకిలీలు పెద్ద ఎత్తున బయటపడుతున్నాయి. ఈ నేపథ్యంలో వినియోగదారులు నిజమైన మందులను గుర్తించే విధంగా.. తమ కంపెనీ ఔషధాలకు ప్రత్యేక ప్యాకింగ్ టెక్నాలజీని వాడనున్నట్లు జైడస్ క్యాడిలా వెల్లడించింది.
కంపెనీ ఉత్పత్తులైన రెమ్డెసివర్, విరఫిన్ ఇంజక్షన్ వంటి ఔషధాలతో మొదటగా ఈ కొత్త రకం ప్యాకింగ్ను ప్రారంభించనున్నట్లు జైడస్ క్యాడిలా తెలిపింది. జూన్ మూడో వారంలో ఈ ప్యాకింగ్తో ఉత్పత్తులు అందుబాటులోకి రానున్నట్లు పేర్కొంది. రానున్న రోజుల్లో ఇతర ఔషధాలకు ఈ విధమైన ప్యాకింగ్ను అమలు చేయనున్నట్లు వివరించింది.
ఏంటి ఈ కొత్త రకం ప్యాకింగ్..?
కొత్త రకం ప్యాకింగ్లో మందులపై ఓ స్క్రాచ్ కోడ్ను ముద్రించనుంది కంపెనీ. వినియోగదారులు ఔషధాన్ని కొనుగోలు చేసిన తర్వాత ఆ స్క్రాచ్ కోడ్ను ఉపయోగించి కంపెనీ మొబైల్ యాప్ లేదా వెబ్సైట్ సాయంతో ఆ ఔషధం నకిలీదా, నిజమైందా అనేది తెలుసుకోవచ్చు.
ఇదీ చదవండి: Covaxin Timeline: టీకా తయారీకి ఎన్ని రోజులు?
