చైనాకు చెందిన దిగ్గజ మొబైల్ తయారీదారు షియోమీ.. భారత్‌లోని స్మార్ట్ఫోన్ వినియోగదారుల కోసం కొత్తగా ఎంఐ క్రెడిట్ లెండింగ్ ప్లాట్ఫాంను అధికారికంగా ప్రారంభించింది. ఇప్పటివరకు ఎంఐ క్రెడిట్ను ప్రయోగాత్మకంగా నడిపింది.
దీని ద్వారా వినియోగదారులు రూ.1 లక్ష వరకు రుణాలు పొందవచ్చు. 'క్రెడిట్బీ' భాగస్వామ్యంతో రుణాలివ్వనున్నట్లు గతేడాది ప్రకటించిన షియోమీ... ప్రస్తుత ఫార్మాట్లో అది లేదని వెల్లడించింది. వినియోగదారులకు రుణాలు ఇచ్చేందుకు ఆదిత్య బిర్లా ఫైనాన్స్, మనీ వ్యూ, ఎర్లీ సాలరీ, క్రెడిట్ విద్య, జెస్ట్ మనీ తదితర ఫైనాన్స్ కంపెనీలతో భాగస్వామ్యం అయింది.
ప్రత్యేకతలు...
- 100 శాతం డిజిటల్
- 5 నిమిషాల్లోనే దరఖాస్తు ప్రక్రియ పూర్తి
- హై సక్సెస్ రేట్, అధిక మొత్తం రుణం, తక్కువ వడ్డీ రేట్లు
- ఫ్రీ క్రెడిట్ స్కోర్
- సమాచార గోప్యత
10 రాష్ట్రాలకుపైగా అందుబాటులో..
ప్రస్తుతం 'ఎంఐ క్రెడిట్' సేవలు 10 రాష్ట్రాలకుపైగా వినియోగదారులకు అందుబాటులో ఉన్నాయి. 2018-19 ఆర్థిక సంవత్సరం ముగిసేలోగా 100 శాతం పిన్కోడ్లలో రుణ సౌలభ్యం కల్పిస్తామని ఆ సంస్థ తెలిపింది.
