కొందరు ఏం చేసినా నలుగురిలో మనం కాదు మనకంటూ ఓ స్పెషాలిటీ, మార్క్ ఉండాలనుకుంటారు. ఆ జాబితాలో టాప్లో ఉంటారు ఎలాన్ మస్క్. ఎలక్ట్రిక్ వాహనాలు తయారు చేసే ప్రముఖ సంస్థ టెస్లాకు అధిపతి. తనకు బిడ్డ పుడితే విభిన్నమైన పేరు పెట్టి నెటిజన్లు రోజుల తరబడి చర్చించుకునేలా చేశారు మస్క్. అలాంటి వ్యక్తి ఇటీవల ఓ ట్వీట్ చేేేస్తే అండర్ వేర్లు కాస్తా హాట్కేకుల్లా అమ్ముడైపోయాయి.
టెస్లా సంస్థ తాజాగా సరికొత్త డిజైన్తో లోదుస్తులను మార్కెట్లోకి విడుదల చేసింది. టెస్లా 'షార్ట్ షార్ట్స్' పేరుతో ఆన్లైన్లో సేల్కు ఉంచింది. అయితే విపరీతమైన క్రేజ్ ఉన్న మస్క్ దాని గురించి ట్వీట్ చేయగా.. జనం పోటెత్తి మరీ కొన్నారు. దెబ్బకు వెబ్సైట్ క్రాష్ అయిపోయింది. కొన్ని గంటల తర్వాత ఎట్టకేలకు దాన్ని పునరుద్ధరించారు.
షార్ట్స్ వెనుక పెద్ద కథ!
ఎవరినైనా విమర్శించడంలోనూ వెనుకాడని ఎలాన్ ఆ షార్ట్స్తోనూ కొందరి గురించి ప్రపంచానికి పరిచయం చేశారు. వాళ్లే టెస్లా షార్టర్స్. స్టాక్ మార్కెట్కు చెందిన కొందరు టెస్లా స్టాక్ను అమ్మి, కృత్రిమంగా విలువ తగ్గేలా చేసేవారు. తగ్గిన ధర వద్ద కొని, మళ్లీ ధర పెరిగాక అమ్మేవారు. మార్కెట్ లొసుగులు తెలిసిన వాళ్లే ఇలా షేర్లతో ఆటలాడుకుంటున్నారని.. మస్క్ ఎన్నోసార్లు విమర్శలు చేసినా ఎవరూ పట్టించుకోలేదు. అయితే షార్ట్స్తో షార్టర్స్ను అందరూ గుర్తుంచుకునేలా పేరు పెట్టారు. అంతేకాకుండా ధర గురించి ఓ లాజిక్ చెప్పారు. షార్ట్ ఒక్కటి రూ. 5180(69.420 డాలర్లు). ఇందులో 420 అనేది... టెస్లా షేర్ విలువ 420 డాలర్లకు చేర్చాలన్న ఆలోచనకు ప్రతిరూపం.
ప్రతి విషయంలోనూ క్రేజీగా ఆలోచిస్తారు కాబట్టే క్రేజీ బిజినెస్మ్యాన్గానూ పేరు తెచ్చుకున్నారు ఎలాన్ మస్క్.
ఇదీ చూడండి:మస్క్ ట్వీట్ తెచ్చిన తంటా- టెస్లా షేర్లు 10% డౌన్
