ఇంధన ధరలు ఆకాశాన్ని అంటున్న నేపథ్యంలో ఈ విషయంపై కేంద్ర ఆర్థిక మంత్రి నిర్మలా సీతారామన్ స్పందించారు. పెట్రో ధరలు వినియోగదారులకు భారంగా మారుతున్న విషయం వాస్తవేమేనని అన్నారు. అయితే పెట్రోల్, డీజిల్ పన్ను తగ్గింపుపై కేంద్ర, రాష్ట్ర ప్రభుత్వాలు ఉమ్మడి నిర్ణయం తీసుకోవాలని స్పష్టం చేశారు. కేవలం కేంద్రమే పన్నులో కోత విధించడం సరికాదన్నారు. ఇండియన్ ఉమెన్ ప్రెస్ కార్ప్స్ నిర్వహించిన ఓ కార్యక్రమంలో భాగంగా విలేకరులతో శుక్రవారం ఈ వ్యాఖ్యలు చేశారు.
"చమురుపై కేంద్రం మాత్రమే పన్ను విధించడం లేదు. రాష్ట్రాలు కూడా వ్యాట్ రూపంలో వసూలు చేస్తున్నాయి. పన్ను తగ్గింపుపై కేంద్ర, రాష్ట్ర ప్రభుత్వాలు ఉమ్మడి నిర్ణయం తీసుకోవాలి. కేంద్రం వసూలు చేసే పన్నులో 41 శాతం రాష్ట్రాలకే చేరుతుంది. చమురును జీఎస్టీ పరిధిలోకి తీసుకురావడం అనే విషయంపై జీఎస్టీ కౌన్సిలే నిర్ణయం తీసుకోవాలి. జీఎస్టీ పరిధిలోకి తేవాలని కేంద్రం ప్రతిపాదించే విషయంపై రానున్న సమావేశాల్లోపు నిర్ణయం తీసుకుంటాం."
- నిర్మలా సీతారామన్, కేంద్ర ఆర్థిక మంత్రి
గతేడాది మార్చి నుంచి మే మధ్య పెట్రోల్, డీజిల్లపై ఎక్సైజ్ డ్యూటీని కేంద్రం భారీగా పెంచింది. లీటరు పెట్రోల్పై రూ. 13, లీటరు డీజిల్పై రూ.16 పెంచారు. ప్రస్తుత పెట్రో ధరల పెరుగుదలలో ఈ చర్య తీవ్ర ప్రభావం చూపింది.
ఇదీ చదవండి : 'రిలయన్స్, ఫ్యూచర్ మధ్య నారదుడిలా బెజోస్!'
