10 వేల మార్క్కు చేరువలో నిఫ్టీ..
స్టాక్ మార్కెట్లు మంగళవారం సెషన్లో భారీ లాభాలతో మగిశాయి. సెన్సెక్స్ 522 పాయింట్లు బలపడి 33,825 వద్దకు చేరింది. నిఫ్టీ 153 పాయింట్ల వృద్ధితో 9,979 వద్ద స్థిరపడింది.
దేశవ్యాప్తంగా లాక్డౌన్ సడలింపునకు తోడు అంతర్జాతీయ మార్కెట్ల సానుకూలతలు, బ్యాంకింగ్ రంగంలో కొనుగోళ్ల మద్దతు లాభాలకు కారణమైనట్లు నిపుణులు చెబుతున్నారు.
మంగళవారం సెషన్లో బజాజ్ ఫినాన్స్, కోటక్ మహీంద్రా బ్యాంక్, ఇండస్ఇండ్ బ్యాంక్, హెచ్డీఎఫ్సీ, యాక్సిస్ బ్యాంక్, పవర్ గ్రిడ్ షేర్లు లాభపడ్డాయి.
మారుతీ, ఐటీసీ, ఎన్టీపీసీ, నెస్లే, హెచ్యూఎల్, హీరో మోటోకార్ప్ షేర్లు నష్టాలను మూటగట్టుకున్నాయి
