అన్నీ కలిసొచ్చి.... లాభాలతో ముగిసిన స్టాక్​మార్కెట్లు

దేశీయ స్టాక్​మార్కెట్లు శుక్రవారం లాభాలతో ముగిశాయి. బ్యాంకింగ్, ఐటీ, ఎనర్జీ రంగాల రాణింపు, అమెరికా-చైనా వాణిజ్య చర్చల పునరుద్ధరణ నేపథ్యంలో విదేశీ మదుపర్ల సెంటిమెంట్ బలపడడమే ఇందుకు కారణం.

వృద్ధి మందగమనానికి మందు వేసే దిశగా ఆర్​బీఐ, ఆర్థికశాఖ చేపడుతున్న చర్యలకు తోడు అంతర్జాతీయ సానుకూల పవనాలతో దేశీయ స్టాక్​మార్కెట్లు లాభపడ్డాయి. ముఖ్యంగా దేశీయ బ్యాంకింగ్, ఐటీ, ఎనర్జీ రంగాలు వృద్ధి చెందడం, అమెరికా-చైనా వాణిజ్య చర్చల పునరుద్ధరణతో విదేశీ మదుపరుల సెంటిమెంట్​ బలపడడమూ ఇందుకు కారణమే.

బొంబాయి స్టాక్​ ఎక్స్ఛేంజి సూచీ సెన్సెక్స్ 337 పాయింట్లు వృద్ధి చెంది 36 వేల 981 వద్ద ముగిసింది. జాతీయ స్టాక్​ ఎక్స్ఛేంజి సూచీ నిఫ్టీ 98 పాయింట్లు లాభపడి 10 వేల 946 వద్ద స్థిరపడింది.

లాభాల్లో

టెక్​ మహీంద్రా, మారుతీ సుజూకీ, యాక్సిస్​ బ్యాంక్, టాటా స్టీల్​, ఎన్​టీపీసీ, బజాజ్​ ఆటో, టాటా మోటార్స్​, ఎమ్​ అండ్​ ఎమ్​, వేదాంత, రిలయన్స్ 3.77 శాతం మేర రాణించాయి.

నష్టాల్లో

ఎస్​ బ్యాంకు, సన్​ఫార్మా, విప్రో, హెచ్​సీఎల్​ టెక్​, టీసీఎస్​, హెచ్​యూఎల్, సిప్లా, బ్రిటానియా, ఐటీసీ ​ 2.42 శాతం డీలాపడ్డాయి.

ఆసియా మార్కెట్లు

హాంగ్​సెంగ్​, షాంగై కాంపోజిట్​ ఇండెక్స్, నిక్కీ, కోస్పీ లాభాలతో ముగిశాయి. యూరోపియన్​ మార్కెట్లూ లాభాలతో కొనసాగుతున్నాయి.

రూపాయి విలువ

రూపాయి విలువ (ఇంట్రాడే) 16 పైసలు వృద్ధిచెంది, డాలర్​కు రూ.71.68లుగా ఉంది.

ముడిచమురు

అంతర్జాతీయ మార్కెట్లో బ్యారెల్​ ముడిచమురు ధర (ఇంట్రాడే) 60.94 డాలర్లుగా ఉంది.

ఇదీ చూడండి: జాబిల్లి కోసం: చంద్రయాన్​-1 సూపర్​ హిట్​.. కానీ...