స్టాక్మార్కెట్లు ఇవాళ భారీ లాభాలతో ముగిశాయి. బ్యాంకింగ్, ఐటీ రంగాల్లో కొనుగోళ్లు దేశీయ సూచీలకు ఊతమిచ్చాయి. బొంబాయి స్టాక్ ఎక్స్చేంజి సూచీ సెన్సెక్స్.. ఏకంగా 2 వేల 476(8.97 శాతం) పాయింట్లు పెరిగింది. శాతం పరంగా ఒక సెషన్లో సెన్సెక్స్ ఇంతలా వృద్ధి నమోదుచేయడం 2009 మే తర్వాత తొలిసారి కావడం విశేషం.
జాతీయ స్టాక్ ఎక్స్చేంజి సూచీ-నిఫ్టీ కూడా భారీగా లాభపడింది. 702 పాయింట్ల(8.76 శాతం) లాభంతో 8 వేల 786 వద్ద సెషన్ను ముగించింది. నిప్టీ ట్రేడింగ్లో ఇదే ఉత్తమ సెషన్గా రికార్డు సృష్టించింది.
మొత్తం 1813 షేర్లు లాభపడ్డాయి. 535 షేర్లు క్షీణించాయి. మరో 189 షేర్లలో ఎలాంటి మార్పు లేదు.
భారత ఆర్థిక వ్యవస్థకు ఊతమిచ్చేందుకు కేంద్రం మరో ప్యాకేజీ ప్రకటించనుందన్న సంకేతాల నేపథ్యంలో ఇంట్రాడేలో సూచీలు దూసుకెళ్లాయి.
లాభనష్టాల్లో..
సెన్సెక్స్ ప్యాక్లో అన్నీ లాభాలను గడించాయి. 22 శాతం లాభాలతో ఇండస్ఇండ్ బ్యాంక్ ఉత్తమ గెయినర్గా నిలిచింది. యాక్సిస్ బ్యాంక్, హిందాల్కో, ఎం అండ్ ఎం, హీరో మోటోకార్ప్, మారుతీ సుజుకీ, గ్రేసిమ్ ఇవాళ్టి ట్రేడింగ్లో లాభాలను నమోదుచేశాయి. ఫార్మా రంగం పుంజుకుంది.
ప్రపంచ మార్కెట్లు..
షాంఘై, హాంగ్కాంగ్, టోక్యో, సియోల్ సూచీలు 2 శాతం మేర పెరిగాయి. ఐరోపా మార్కెట్లూ లాభాల్లోనే కొనసాగాయి.
ముడిచమురు ధరలు 2.48 శాతం పెరిగి.. బ్యారెల్కు 33. 87గా ఉంది.
రూపాయి...
దాదాపు 55 పైసలు పుంజుకున్నరూపాయి... డాలర్తో పోలిస్తే 75.63 వద్ద స్థిరపడింది.
