ఎస్బీఐ కార్డు ఐపీఓ సోమవారం నుంచి ప్రారంభం కానుంది. ఈ ఐపీఓ ద్వారా దాదాపు రూ.10,000 కోట్లకు పైగా సమీకరించాలని సంస్థ లక్ష్యంగా పెట్టుకుంది. ఇప్పటి వరకు ఎస్బీఐ కార్డ్ అండ్ పేమెంట్ సర్వీస్... స్టేట్ బ్యాంక్ ఆఫ్ ఇండియాకు అనుబంధ సంస్థగా పనిచేస్తోంది.
ఎస్బీఐ కార్డు ఐపీవో విశేషాలు
- ఐపీఓ ప్రారంభం: మార్చి 2
- ఐపీఓ ముగింపు: మార్చి 5
- ఐపీఓ ధర: రూ.750 - రూ.755 మధ్య ఉండొచ్చు.
- ఐపీఓ ముగిశాక మే 16న షేర్లు మార్కెట్లో లిస్ట్ అయ్యే అవకాశం ఉంది.
లాట్ పరిమాణం- లిస్టింగ్ వివరాలు
- ఈ బిడ్లో 19 షేర్లను ఒక లాట్గా నిర్ణయించారు.
- మీకు ఎన్ని లాట్లు కావాలో నిర్ణయించుకుని దరఖాస్తు చేసుకోవాలి.
- ఒక వేళ షేరు ధర అత్యధికంగా నమోదైతే లాటుకు రూ.14,345 వరకు అవ్వవచ్చు.
- ఈ ఐపీఓకు 'లింక్ లైన్ టైమ్ ఇండియా ప్రైవేట్ లిమిటెడ్ రిజిస్టార్'గా వ్యవహరిస్తుంది.
లక్ష్యం
- ఈ ఐపీఓ ద్వారా మొత్తం 13 కోట్ల వాటాలను ఎస్బీఐ విక్రయిస్తోంది.
- ఈ ఐపీఓ ద్వారా దాదాపు రూ.10,000 కోట్లకు పైగా సమీకరించాలని సంస్థ లక్ష్యం.
- ప్రస్తుతం దీనికి భారతీయ మార్కెట్లో ఉన్న వాటా 18 శాతం
ఎస్బీఐ... రిజర్వేషన్స్
- ఈ ఇష్యూలో మొత్తం 10 శాతం షేర్లను (1.3 కోట్ల వాటాలు) ఎస్బీఐ షేర్ హాల్డర్ల కోసం రిజర్వ్ చేశారు.
- ఈ ఐపీఓకు దరఖాస్తు చేసుకోవాలంటే ఫిబ్రవరి 18 నాటికి ఎస్బీఐ వాటాదారులు అయ్యుండాలి.
- అర్హులైన ఉద్యోగుల కోసం 18.4 లక్షల షేర్లు కేటాయించారు
- ఎస్బీఐ ఉద్యోగికి ఒక్కో షేరుపై రూ.75 డిస్కౌంట్ ఉంటుంది.
ఇదీ చూడండి: ఈపీఎఫ్ డిపాజిట్లపై వడ్డీ రేటు మళ్లీ 8.65 శాతమే!
