'జియో ఫైబర్' సేవలు ప్రారంభం
నేడు రిలయన్స్ అధినేత ముఖేష్ అంబానీ చేతుల మీదుగా ప్రతిష్ఠాత్మక జియో ఫైబర్ బ్రాడ్బ్యాండ్ సేవలు ప్రారంభంకానున్నాయి. గిగా ఫైబర్ సేవలతో బ్రాడ్బ్యాండ్, ల్యాండ్లైన్, టీవీ కనెక్షన్లను ఒకే ప్యాకేజీలో అందించనున్నారు.
రిలయన్స్ జియో బ్రాడ్బ్యాండ్ కనెక్షన్తో డైరెక్ట్ టు హోమ్, కేబుల్ టీవీ వినియోగదారులను ఆకర్షించడం కోసం సెట్టాప్ బాక్స్ను కూడా ఉచితంగా ఇవ్వనున్నట్లు సమాచారం.
జియో గిగా ఫైబర్ ప్రత్యేకతలు
- జియో గిగా ఫైబర్ సేవల్లో... వివిధ ప్లాన్లు రూ.700 - రూ.10,000 మధ్య లభిస్తాయి.
- 100 ఎంబీపీఎస్ నుంచి గరిష్ఠంగా 1 జీబీపీఎస్ స్పీడ్ వరకు ఇంటర్నెట్ ప్లానులు ఉన్నాయి.
- వార్షిక ప్లాన్ తీసుకున్నవారికి హెచ్డీ టీవీ సెట్ ఉచితంగా అందిస్తారు.
- ల్యాండ్లైన్ ఫోన్, జియో 4కే సెట్టాప్ బాక్స్ ఉచితంగా ఇస్తారు.
- జియో ఫైబర్తో అల్ట్రా హై డెఫినిషన్ ఎంటర్టైన్మెంట్, హోమ్ సెక్యూరిటీ, స్మార్ట్ హోమ్ సొల్యూషన్స్ వంటి సేవలు పొందవచ్చు.
- చలనచిత్రాలు, ఇతర వీడియో కంటెంట్ మొబైల్ యాప్స్ ఉచితంగా లభిస్తాయి.
- మల్టీపార్టీ వీడియో కాన్ఫరెన్సింగ్, ఎస్టీబీ వీడియో కాలింగ్ సౌకర్యాలు ఇందులో లభిస్తాయి. అయితే ఇందు కోసం వినియోగదారులు తమ టీవీ సెట్లకు కెమెరాను అనుసంధానించుకోవాలి.
- ల్యాండ్లైన్ నుంచి దేశంలో ఎక్కడికైనా అపరిమిత ఉచిత కాలింగ్ సౌకర్యం లభిస్తుంది.
భారతీ ఎయిర్టెల్లో ఇప్పటికే లభిస్తున్న కొన్ని ఎంటర్టైన్మెంట్ కంటెంట్లు జియో ఫైబర్లోనూ లభించనున్నట్లు సమాచారం. ఇప్పటికే మొబైల్స్ కోసం... హాట్స్టార్తో టై-అప్ అయ్యింది జియో. 'ఈరోస్ నౌ'ను పాక్షికంగా సొంతం చేసుకుంది.
ఇదీ చూడండి: 'రెపోరేటు ఆధారంగా గృహ, వాహన వడ్డీ రేట్లు'
