ప్రముఖ ఆన్లైన్ గేమ్ పబ్జీ రికార్డు స్థాయిలో ఆదాయాన్ని ఆర్జించింది. ఈ ఏడాది మొదటి ఆరు నెలల్లో 1.3 బిలియన్ డాలర్లు(రూ. 9,731కోట్లు) ఆదాయాన్ని వసూలు చేసింది. పబ్జీ రెవెన్యూ 3 బిలియన్ డాలర్లకు(రూ.22,457కోట్లు) చేరింది. అయితే కరోనా భయాలు నడుమ ప్రజలు ఇళ్లకే పరిమితమవడం వల్ల మార్చి నెలలో పబ్జీ అత్యధికంగా రూ. 2,021కోట్లు లాభాన్ని ఆర్జించింది. ఈ మేరకు అనలిటిక్స్ సంస్థ సెన్సార్ టవర్ వెల్లడించింది. 1.75కోట్ల డౌన్లోడ్లతో ప్రపంచంలోనే భారత్ నుంచి ఎక్కువ మంది పబ్జీని ఇన్స్టాల్ చేసుకున్నారు.
సెన్సార్ టవర్ డేటా ప్రకారం... 2020లో పబ్జీ తర్వాత సింగపూర్కు చెందిన గరేన సంస్థ 300 మిలియన్ డాలర్లు(రూ .2,245 కోట్లు), నెట్‌ఈజ్కు చెందిన నైవ్స్అవుట్ 260 మిలియన్ డాలర్లు(రూ. 1,946 కోట్లు), యాక్టివిజన్ కాల్ ఆఫ్ డ్యూటీ 220 మిలియన్ డాలర్ల (రూ.1,646 కోట్లు) ఆదాయాన్ని పొందాయి.
పబ్జీని అందుకే భారత్ బ్యాన్ చేయలేదు
ఈ యాప్ పూర్తిగా చైనా కంపెనీకి చెందినది కాదు. దీన్ని తయారు చేసి యాప్ నిర్వహణ చూస్తోంది బ్లూ హోల్ అనే దక్షిణ కొరియా సంస్థ. అయితే ఈ గేమ్ బాగా ప్రాచుర్యంలోకి వచ్చిన తర్వాత చైనాకు చెందిన టెన్సెంట్ సంస్థ.. బ్లూ హోల్తో కలిసింది. చైనా, భారత్లో ఈ గేమ్ను మార్కెటింగ్ వ్యవహారాలను టెన్సెంట్ చూసుకుంటోంది. ఇలా మిక్స్డ్ ఓనర్షిప్ వల్ల ప్రభుత్వం చర్యలు తీసుకోలేదు.
ఇదీ చూడండి: 'భారత్పై చైనా డేటా అస్త్రం- స్వయం సమృద్ధే పరిష్కారం!'
