ఈనెలలో 15వ సారి పెరిగిన చమురు ధరలు

దేశంలో ఇంధన ధరలు మరోసారి పెరిగాయి. దిల్లీలో లీటర్ పెట్రోల్​పై 26 పైసలు పెంచుతూ చమురు సంస్థలు నిర్ణయం తీసుకున్నాయి. దీంతో దేశ రాజధానిలో పెట్రోల్ ధర లీటర్​కు రూ.93.94కి చేరింది. ఒక్క మే నెలలోనే 15 సార్లు ఇంధన ధరలు పెరిగాయి.

దేశంలో పెట్రోల్​, డీజిల్​ ధరలు మళ్లీ పెరిగాయి. దిల్లీలో లీటర్ పెట్రోల్​​పై 26 పైసలు, డీజిల్​పై 28 పైసలు పెంచుతూ చమురు సంస్థలు నిర్ణయం తీసుకున్నాయి. దీంతో దేశ రాజధానిలో పెట్రోల్ ధర రూ.93.94 కు చేరింది. డీజల్​ ధర రూ.84.89గా ఉంది.

మే నెలలో ముడి చమురు ధరలు పెరగడం ఇది 15వ సారి కావడం గమనార్హం. ఈ పక్షం రోజుల్లో పెట్రోల్‌పై రూ.3.54, డీజిల్‌పై రూ.4.16 పెంచాయి సంస్థలు. మరో వైపు దేశంలోని కొన్ని ప్రాంతాల్లో పెట్రోల్​ ధర రూ.100 దాటింది. ముంబయిలో లీటర్‌ పెట్రోల్‌, డీజిల్​ ధరలు రూ.100.19, రూ.92.17గా ఉన్నాయి.

ఇదీ చూడండి: ముడిచమురు ఎగుమతుల్లో ఆసియా దేశాలకు సౌదీ కోత