ఇప్పటి వరకు హైఎండ్‌ మోడల్స్‌ను మాత్రమే విడుదల చేస్తూ వస్తున్న 'వన్ప్లస్' చూపు మిడ్‌ రేంజ్‌ బడ్జెట్ ఫోన్లపై పడిందనిపిస్తోంది. త్వరలోనే వీటిని విడుదల చేసేందుకు సన్నాహాలు చేస్తున్నట్లు వార్తలు నెట్టింట్లో హల్చల్ చేస్తున్నాయి. దీని ధర కూడా రూ.10వేల లోపు ఉండొచ్చని టెక్‌ నిపుణులు అంటున్నారు. ఇప్పటికే నార్డ్ సిరీస్‌లో 'వన్ప్లస్ నార్డ్ లైట్‌' తీసుకొచ్చేందుకు సంస్థ ప్రణాళికలు రూపొందిస్తోంది. దాని ధర ఎంత ఉంటుందనేది సంస్థ ఇంకా వెల్లడించలేదు. అలాగే స్నాప్‌డ్రాగన్‌ 460 ప్రాసెసర్‌తో బడ్జెట్ వన్ప్లస్ ఫోన్ బేస్‌ మోడల్‌ను రూ.9,999కే అందించేందుకు ప్రయత్నాలు ముమ్మరం చేస్తున్నట్లు సమాచారం.
రూ.10వేల లోపు స్మార్ట్ఫోన్ల విపణిలోకి తమ ఉత్పత్తిని విడుదల చేసేందుకు రంగం సిద్ధం చేస్తున్నట్లు సామాజిక మాధ్యమాల్లో పలువురు అభిప్రాయపడుతున్నారు. వన్ప్లస్ బడ్జెట్ ఫోన్ 'క్లోవెర్' పేరుతో మార్కెట్లోకి రానున్నట్లు తెలుస్తోంది. అంతర్జాతీయంగా బేస్‌ మోడల్‌ ఫోన్ ధర రూ.12వేల నుంచి రూ.15వేల వరకు ఉండొచ్చని, అదే భారత్‌లో మాత్రం రూ.10వేల లోపే అందించేందుకు సంస్థ ప్రణాళికలు రూపొందించినట్లు సమాచారం. దేశీయ మార్కెట్లోకి ఈ ఫోన్ అక్టోబరులో విడుదల కావచ్చని తెలుస్తోంది. అయితే ఇప్పటి వరకు వన్ప్లస్ ఎక్కడా అధికారికంగా ప్రకటన చేయలేదు. ఫోన్ ఫీచర్లు ఇలా ఉండొచ్చని నెట్టింట్లో చర్చ జరుగుతోంది. అవేంటో ఓసారి చూద్దాం..
బడ్జెట్ ఫోన్ ఫీచర్స్‌
- బ్యాటరీ: 6000 ఎంఏహెచ్‌
- స్నాప్‌డ్రాగన్‌ 460 ఎస్‌వోసీ
- 6.52 అంగుళాల హెచ్‌డీ ప్లస్ డిస్‌ప్లే
- స్క్రీన్‌ రిసొల్యూషన్‌: 720X1,560 పిక్సెల్స్
- 4 జీబీ ర్యామ్‌, 64 జీబీ స్టోరేజ్‌
- రేర్‌ మౌంటెడ్‌ ఫింగర్‌ ప్రింట్‌ సెన్సార్‌
- ట్రిపుల్‌ రేర్‌ కెమెరా, 13 మెగాపిక్సల్‌ ప్రైమరీ సెన్సర్‌
ఇదీ చూడండి: డిజిటల్‌ విప్లవంలో కీలక దశకు భారత్‌
