వాట్సాప్కు ప్రత్యామ్నాయంగా టెస్లా సీఈఓ ఎలాన్ మస్క్ సిఫార్సు చేసిన ఎన్క్రిప్టెడ్ మెసేజింగ్ యాప్-'సిగ్నల్'ను చైనా నిషేధించినట్లు తెలుస్తోంది. చైనాలో ఈ యాప్ను వీపీఎన్(వర్చువల్ ప్రైవేట్ నెట్వర్క్) లేనిదే యాక్సెస్ చేయడం కష్టంగా మారింది. దీంతో ఇతర అమెరికా సామాజిక మాధ్యమాల మాదిరిగానే దీనిపైనా ఆంక్షలు విధించినట్లు స్పష్టమవుతోంది.
ఇప్పటికే ఫేస్బుక్, ట్విట్టర్ వంటి అంతర్జాతీయ సామాజిక మాధ్యమాలను తమ పౌరులకు దూరంగా ఉంచింది జిన్పింగ్ సర్కార్. అంతర్జాలంపై పరిమితులు విధించేలా రూపొందించిన 'గ్రేట్ ఫైర్వాల్'తో అనేక సైట్లను అడ్డుకుంటోంది. నిషేధిత అంశాలపై చర్చించేందుకు రూపొందిన క్లబ్హౌస్ అనే ఆడియో ప్లాట్ఫాంను సైతం గత నెలలో నిలిపివేసింది చైనా.
వాట్సాప్ ఇటీవల తీసుకొచ్చిన గోప్యతా విధానంతో చాలా మంది సిగ్నల్ వంటి ప్రత్యామ్నాయ యాప్లకు మొగ్గుచూపారు. ఈ నేపథ్యంలో సిగ్నల్ డౌన్లోడ్ల సంఖ్య భారీగా పెరిగింది. ఎలాన్ మస్క్ సైతం ఈ యాప్ ఉపయోగించాలని సూచించడం వల్ల అంతర్జాతీయంగా ఈ మెసేజింగ్ యాప్కు విశేష ప్రాచుర్యం లభించింది.
ఇవీ చదవండి:
