పంజాబ్ నేషనల్ బ్యాంకు, యునైటెడ్ బ్యాంక్ ఆఫ్ ఇండియా, ఓరియంటల్ బ్యాంక్ ఆఫ్ కామర్స్‌ను విలీనం చేస్తూ కేంద్రం నిర్ణయం తీసుకుంది. ఈ ప్రక్రియ వచ్చే ఏడాది ఏప్రిల్ 1 నుంచి అమల్లోకి రానుంది. ఈ విలీనం అనంతరం రూ.18 లక్షల కోట్ల వ్యాపారంతో ఎస్బీఐ తర్వాత దేశంలోనే రెండో అతిపెద్ద బ్యాంకుగా అవతరించనుంది పంజాబ్ నేషనల్ బ్యాంకు.
" విలీన ప్రక్రియకు కొంత సమయం పట్టనుంది, ఇది ఏప్రిల్ 1 నాటికి పూర్తవుతుంది. విలీనం కోసం న్యాయ, నియంత్రణ ప్రక్రియలు పూర్తి కావడం సహా మూడు బ్యాంకుల బోర్డులు ఆమోదం తెలపాలి. విలీన ప్రక్రియ తర్వాత ఉద్యోగుల తగ్గింపు ఉండబోదు. స్వచ్ఛంద పదవీ విరమణ పథకాన్ని కూడా అమలు చేయం. "
- అశోక్‌ కుమార్‌ ప్రధాన్‌, యునైటెడ్ బ్యాంక్ ఆఫ్ ఇండియా ఎండీ
విలీనంతో పంజాబ్ నేషనల్ బ్యాంకు ఉద్యోగుల సంఖ్య ఒక లక్ష, శాఖల సంఖ్య 11వేల 4వందలకు చేరనుంది. మూడు బ్యాంకులకు కలిపి ప్రస్తుతం 6.67శాతం ఉన్న మొండిబకాయిలు.. విలీన ప్రక్రియ పూర్తయిన తర్వాత 6 శాతానికి తగ్గనున్నాయి. విలీనం తర్వాత బ్యాంకుకు నూతన పేరు ఖరారయ్యే అవకాశం ఉంది.
ఇదీ చూడండి: ఒసామా బిన్ లాడెన్ వారసుడు హమ్జా హతం
