దక్షిణ కొరియాకు చెందిన ప్రముఖ ఎలక్ట్రానిక్స్ దిగ్గజం ఎల్జీ భారత మార్కెట్లోకి సరికొత్త స్మార్ట్టీవీని విడుదల చేసింది. గేమింగ్, సినిమా, స్పోర్ట్స్ ప్రియులకు ప్రత్యేక అనుభూతినిచ్చేలా.. 'ఓఎల్ఈడీ48సీఎక్స్టీవీ' పేరుతో ఈ కొత్త మోడల్ను తీసుకొచ్చింది. భారీ ఫీచర్లతో విడుదలైన ఈ మోడల్ ధరను రూ.1,99,990గా నిర్ణయించింది ఎల్జీ. దీని సైజు 122 సెంటీమీటర్లు.
ఫీచర్లు..
ఆల్ఫా 9 మూడో తరం ప్రాసెసర్ (ఎల్జీ సొంత ప్రాసెసర్)- ఏఐ ట్యూనింగ్, బ్యాలెన్స్డ్ సౌండ్ ఎఫెక్ట్స్ సరికొత్త హయర్ ఫ్రేమ్ రేట్, వేరియబుల్ రీఫ్రెష్ రేట్, ఆటోమేటిక్ లేటెన్సీ మోడ్ వంటివి ఈ ప్రాసెసర్ ప్రత్యేకత. గేమింగ్ అనుభూతిని రెట్టింపు చేసేందుకు అమెరికాకు చెందిన ప్రముఖ గేమింగ్ సంస్థ ఎన్వీడియా జీ-సింక్ సాంకేతికతను ఈ టీవీలో పొందుపరిచింది ఎల్జీ.
స్పోర్ట్స్ అలర్ట్- స్పోర్ట్స్ అనుభూతిని సీమ్లెస్గా అందించేందుకు ఈ ఫీచర్ తీసుకొచ్చింది ఎల్జీ. యూజర్లు ఎక్కువగా చూసే క్రీడలకు సంబంధించిన అప్డేట్స్ ఇవ్వడమే ఈ ఫీచర్ ప్రత్యేకత.
సినిమా అనుభూతి- ఈ టీవీలో సెల్ఫ్-లిట్ పిక్సెల్ సాంకేతికతను పొందుపరిచినట్లు ఎల్జీ పేర్కొంది. దీని ద్వారా సినిమాలు చూసేటప్పుడు రంగులు మరింత స్పష్టంగా, రిచ్గా కనిపిస్తాయని ఎల్జీ వివరించింది. ఏ కోణం నుంచి చూసినా పిక్చర్ స్పష్టంగా కనిపిస్తుందని తెలిపింది.
ఇదీ చదవండి:పోకో కొత్త స్మార్ట్ఫోన్ ధర, ఫీచర్లు ఇలా..
