దక్షిణ కొరియా వాహన తయారీ సంస్థ కియా మోటార్స్ నుంచి వస్తున్న సరికొత్త వాహనం 'కార్నివాల్'. దీని కోసం తాము బుకింగ్ మొదలుపెట్టిన మొదటి రోజే భారత్ నుంచి 1,410 యూనిట్లకు ఆర్డర్లు వచ్చాయని ప్రకటించింది. మొత్తం బుకింగుల్లో 64 శాతం.. మూడు వేరియంట్లలో ఒకటైన లిమోసిన్ ట్రిమ్కు చెందినవేనని వెల్లడించింది.
"కియా కార్నివాల్ విడుదలకు ముందే అద్భుత ఆదరణ లభిస్తోంది. ఇది ఆశ్చర్యాన్ని కలిగించింది. మేము ప్రీ-ఆర్డర్లు ప్రారంభించిన ఒక్క రోజులోనే భారత్ మార్కెట్ నుంచి 1,410 యూనిట్లు బుక్ అయ్యాయి. ఇది భారత్లో కియాకున్న డిమాండ్ను స్పష్టం చేస్తోంది. "- కూఖ్యూన్ షిమ్, కియా మోటార్స్ ఇండియా మేనేజింగ్ డైరెక్టర్, సీఈఓ
ఫిబ్రవరిలో విడుదల
ఫిబ్రవరిలో జరగనున్న ఆటో ఎక్స్పోలో... కియో తమ కారును భారత మార్కెట్లో విడుదల చేయనుంది. ఇందు కోసం మంగళవారం తన అధికారిక వెబ్సైట్ ద్వారా బుకింగ్స్ ప్రారంభించింది. దేశంలోని 265 టచ్ పాయింట్లలో ఒక లక్ష రూపాయలు చెల్లించి బుకింగ్ చేసుకోవచ్చని తెలిపింది.
మూడు వేరియంట్లలో
కియా కారు ప్రీమియం, ప్రెస్టీజ్, లిమోసిన్ అనే మూడు వేరియంట్లలో రానుంది. 7,8,9 సీటింగ్ కాన్ఫిగరేషన్లూ వీటిలో ఉంటాయి.
ప్రస్తుతం అత్యంత ఆదరణ పొందిన లమోసిన్ మోడల్ 8-స్పీడ్ ట్రాన్స్ మిషన్తో జత చేసిన 2.2 లీటర్ బీఎస్-6 డీజిల్ ఇంజిన్తో పనిచేస్తుంది కార్నివాల్. ఇందులో డ్యూయల్ ప్యానెల్ ఎలక్ట్రిక్ సన్రూఫ్, వీఐపీ సీట్ల వెనుక భాగంలో 10.1 అంగుళాల టచ్స్క్రీన్తో ఎంటర్టైన్మెంట్ సిస్టమ్, వన్ టచ్ పవర్ స్లైడింగ్ డోర్, స్మార్ట్ పవర్ టెయిల్ గేట్ లాంటి ప్రత్యేకతలున్నాయి.
ఇదీ చూడండి: 2025 నాటికి 'సౌర విద్యుత్తు రారాజు'గా అదానీ గ్రూప్!
