కశ్మీర్లో ఉద్రిక్తతల నేపథ్యంలో స్వస్థలాలకు పయనమవుతున్న అమర్నాథ్ యాత్రికులకు ఊరటనిచ్చేలా ఎయిర్ ఇండియా కీలక నిర్ణయం తీసుకుంది. శ్రీనగర్-దిల్లీ మార్గంలో విమానాల గరిష్ఠ ఛార్జీలను రూ.7000లకు తగ్గించింది.
"ఎయిర్ ఇండియా విమాన ఛార్జీలను రూ.9,500 నుంచి తగ్గించింది. శ్రీనగర్- దిల్లీ మార్గంలో గరిష్ఠంగా రూ.6,715, దిల్లీ- శ్రీనగర్ మార్గంలో గరిష్ఠంగా రూ.6,889కు ఛార్జీలను తగ్గించాం. తగ్గించిన ఈ ధరలు ఆగస్టు 15 వరకు మాత్రమే అందుబాటులో ఉంటాయి."
- ఎయిర్ ఇండియా అధికార ప్రతినిధి
ఇదీ నేపథ్యం
అమర్నాథ్ యాత్రికులే లక్ష్యంగా పాకిస్థాన్ ఆధారిత ఉగ్రవాద సంస్థలు దాడులకు ప్రయత్నిస్తున్నాయని నిఘా వర్గాల సమాచారం. దీంతో యాత్రికులు వీలైనంత త్వరగా స్వస్థలాలకు చేరుకోవాలని ప్రభుత్వం సూచించింది.
స్వస్థలాలకు చేరుకోవడానికి పయనమైన అమర్నాథ్ యాత్రికుల కోసం విమాన ఛార్జీలు తగ్గించాలని పౌరవిమానయానశాఖ... విమానయాన సంస్థలకు సూచించింది. అవసరమైతే శ్రీనగర్ ఎయిర్పోర్టు నుంచి అదనపు విమానాలు నడపడానికి సిద్ధంగా ఉండాలని నిర్దేశించింది.
ఇదీ చూడండి: దుబాయ్లో జాక్పాట్ కొట్టిన తెలుగోడు..!
