Jio In AI: ఆర్టిఫీషియల్ ఇంటలిజెన్స్ను మరో స్థాయికి తీసుకువెళ్లే దిశగా జియో అడుగులు వేస్తోంది. ఈ టెక్నాలజీకి సంబంధించిన స్టార్టప్లో 25 శాతం వాటాను కొనుగోలు చేస్తున్నట్లు జియో ప్రకటించింది. ఇందుకోసం రూ.112కోట్లపైనే వెచ్చించింది. శామ్సంగ్ టెక్నాలజీ అండ్ అడ్వాన్స్డ్ రీసెర్చ్ మాజీ అధ్యక్షుడు, సీఈఓ ప్రణవ్ మిస్త్రీ స్థాపించిన ఆర్టిఫిషియల్ రియాలిటీ టెక్నాలజీకి సంబంధించిన సంస్థ అది.
'ఆర్టిఫీషియల్ ఇంటెలిజెన్స్, ఏఐ రీసెర్చ్, మెటావెర్స్, వెబ్ 3.0 టెక్నాలజీలో మంచి అనుభవం కలిగిన టీంతో కలిసి పనిచేయబోతున్నాం. ఇంటరాక్టివ్ ఏఐ, గేమింగ్, మెటావెర్స్లో మరిన్ని అద్భుతాలను సృష్టిస్తాం.' అని జియో డైరెక్టర్ ఆకాశ్ అంబానీ తెలిపారు.
'భారత్లో డిజిటల్కు జియో పునాది. ఆర్టిఫీషియల్ రియాలిటీని వినియోగదారులకు పరిచయం చేయడానికి జియోతో కలిసి పనిచేయనున్నాము.' అని ప్రణవ్ మిస్త్రీ అన్నారు.
ఆర్టిఫీషియల్ రియాలిటీతో రియల్టైమ్ ఏఐ వాయిస్, వీడియో కాల్స్, డిజిటల్ హ్యూమన్స్, గేమింగ్లను పొందుపరుస్తారు.
ఇదీ చదవండి: జుకర్బర్గ్ను వెనక్కి నెట్టిన అంబానీ, అదానీ
