మహ్మమారితో పోరాడుతున్న ప్రపంచ దేశాలకు పూర్తిస్థాయిలో ఆర్థిక సాయం చేయనునట్లు అంతర్జాతీయ ద్రవ్యనిధి (ఐఎంఎఫ్) సంస్థ డైరెక్టర్ జనరల్ క్రిస్టాలినా జార్జివా తెలిపారు. కరోనా వ్యాప్తి నియంత్రణకు మద్దతుగా 1 ట్రిలియన్ డాలర్లతో రుణ సదుపాయాన్ని కల్పించాలని యోచిస్తున్నట్లు వెల్లడించారు. వైరస్ను ఎదుర్కోవడానికి.. 189 ఐఎంఎఫ్ సభ్యదేశాల్లో 102 దేశాలు రుణ సహాయాన్ని అర్థిస్తున్నట్లు క్రిస్టాలినా చెప్పారు.
"మహా మాంద్యం తర్వాత ఎన్నడు లేనివిధంగా ఆర్థిక సంక్షోభంలో కూరుకుపోయాం. ప్రపంచ జీడీపీ వృద్ధిరేటు 3 శాతం క్షీణించనుంది. 170 దేశాల్లో తలసరి ఆదాయం భారీగా తగ్గిపోనుంది. మూడు నెలల క్రితం ఊహించిన దాని కంటే ఇది అధికం." - క్రిస్టాలినా జార్జివా, ఐఎంఎఫ్ డైరెక్టర్ జనరల్
ఒక్కనెల వ్యవధిలోనే..
తొలుత 50 బిలియన్ డాలర్లు రుణ సాయం చేయాలనుకున్నట్లు ఐఎంఎఫ్ తెలిపింది. అయితే ఒక్క నెల వ్యవధిలోనే మారిన పరిస్థితులను దృష్ట్యా 100 బిలియన్ డాలర్ల సహాయం అందించాలని యోచిస్తున్నట్లు వెల్లడించింది. ఇప్పటికే 15 దేశాలకు రుణ సాయం చేసింది. మరో 25 పేదదేశాలకు రుణాన్ని ఇవ్వడానికి అమోదం తెలిపినట్లు స్పష్టం చేసింది. 30 దేశాలకు పైగా అత్యవసర రుణం కోసం అభ్యర్థిస్తున్నట్లు తెలిపింది.
ఇదీ చూడండి: కరోనా ఎఫెక్ట్: సార్వత్రిక పోరులో మూన్ విజయం
