దేశంలోని ఎనిమిది ప్రధాన నగరాల్లో జనవరి-మార్చి మధ్యలో ఇళ్ల విక్రయాలు సుమారు 44 శాతం పెరిగాయని నైట్ ఫ్రాంక్ ఇండియా అనే సంస్థ తెలిపింది. ముంబయి మెట్రోపాలిటన్ రీజియన్, పుణె నగరాలు ఈ వరుసలో ముందున్నట్లు వెల్లడించింది. మహారాష్ట్ర ప్రభుత్వం స్టాంప్ డ్యూటీని తగ్గించడమే ఇందుకు కారణమని స్పష్టం చేసింది.
ఈ ఏడాది మొదటి త్రైమాసికంలో 71 వేల 963 ఇళ్లు అమ్ముడైనట్లు నైట్ ఫ్రాంక్ ఇండియా తెలిపింది. గతేడాదితో పోల్చితే 44 శాతం వృద్ధి చెందినట్లు వెల్లడించింది. ఇది స్థిరాస్తి మార్కెట్కు శుభ సూచికమన్న సంస్థ.. ఈ గణాంకాలు మరిన్ని ప్రాజెక్ట్లకు ఊతం ఇచ్చినట్లు పేర్కొంది.
గృహ రుణాలు ప్రస్తుతం అత్యంత తక్కువగా ఉండడం వల్ల ఎక్కువ మంది సొంతింటి బాట పడుతున్నారని నైట్ ఫ్రాంక్ ఇండియా తెలిపింది.
| నగరం | అమ్ముడైన ఇళ్లు | వృద్ధి(శాతం) |
| ముంబయి | 23,752 | 49 |
| పుణె | 13,653 | 75 |
| బెంగళూరు | 10,219 | 18 |
| హైదరాబాద్ | 6,909 | 81 |
| దిల్లీ | 6,731 | 24 |
| చెన్నై | 4,058 | 36 |
| కోల్కత్తా | 3,596 | 22 |
| అహ్మదాబాద్ | 3,045 | 34 |
ఇదీ చూడండి: ఎస్బీఐ షాక్- హోం లోన్ వడ్డీ రేట్లు పెంపు
