స్వల్పంగా పెరిగిన బంగారం, వెండి ధరలు

పసిడి, వెండి ధరలు సోమవారం స్పల్పంగా పెరిగాయి. 10 గ్రాముల మేలిమి పుత్తడి ధర మళ్లీ రూ.48,332కు చేరింది. వెండి ధర కిలోకు ఏకంగా రూ.64వేలు దాటింది.

బంగారం ధర సోమవారం కొంత మేర పెరిగింది. దేశ రాజధాని దిల్లీలో 10 గ్రాముల స్వచ్ఛమైన పసిడి ధర రూ.117 ఎగిసి.. రూ.48,332కు చేరింది.

పసిడి బాటలోనే వెండి ధర కిలోకు(దిల్లీలో) రూ.541 పెరిగింది. కిలో ధర ప్రస్తుతం రూ.64,657వద్ద ఉంది.

అంతర్జాతీయంగా ధరలు పెరగడం, డాలర్​తో రూపాయి విలువ క్షీణించడం కారణంగా.. ధరలు పెరిగినట్లు హెచ్‌డీఎఫ్‌సీ సెక్యూరిటీస్ తెలిపింది.

అంతర్జాతీయ మార్కెట్​లో ఔన్సు బంగారం ధర 1,834డాలర్లకు పెరిగింది. వెండి ఔన్సుకు 25 డాలర్ల వద్దకు చేరింది.