తిరుపతి, వరంగల్ వంటి టైర్-2 నగరాల్లోనూ ఇకపై ఫ్లిప్కార్ట్ కిరాణ వస్తు సేవలు అందనున్నాయి. దేశంలో సుమారు 50 నగరాలకు నిత్యావసర సేవలు విస్తరించాలని ఫ్లిప్కార్ట్ నిర్ణయం తీసుకుంది. పలు రంగాల్లో సేవలు అందిస్తున్న ఈ దిగ్గజ సంస్థ కిరాణ సేవల విభాగంలోనూ మంచి లాభాలను ఆర్జించాలని యోచిస్తోంది. దేశంలో ఏడు ప్రథమ శ్రేణి నగరాలతో సహా 40 దిగువ శ్రేణి నగరాలలోని వినియోగదారులకు ఫ్లిప్కార్టు కిరాణ సేవలు అందనున్నాయి.
కరోనా ప్రభావంతో కిరాణ సామగ్రికి వినియోగదారులు ఈ-కామర్స్ సేవలనే వినియోగించుకుంటున్నారు. కేవలం మెట్రో నగరాల్లోనే కాకుండా ద్వితియ శ్రేణి నగరాల్లోనూ ఈ విధానం పెరిగిపోయింది. 2020లో రూ.330 కోట్లుగా ఉన్న ఈ-కామర్స్ విలువ 2025 నాటికి రూ. 2400 కోట్లకు చేరుతుందని కన్సల్టేన్సీ సంస్థ రెడ్సీర్ అంచనా.
తాజా వ్యాపార విస్తరణతో కోల్కతా, పుణె, అహ్మదాబాద్ వంటి నగరాలలో స్థిరమైన కిరాణ విక్రయ కేంద్రాల ఏర్పాటుతోపాటు ఇప్పుడు నాన్మెట్రో నగరాలైన తిరుపతి, వరంగల్, మైసూర్, కాన్పూర్, అలహాబాద్, అలీగఢ్, జైపుర్, చండీగఢ్, రాజ్కోట్, వడోదర, వెల్లూర్, డయ్యూడామన్ లకు కిరాణ సేవలను విస్తరించనుంది.
" కిరాణ సేవలు ప్రస్తుతం వేగంగా వృద్ధి చేందుతున్న విభాగం. నాణ్యమైన గృహ అవసరాలు, శుభ్రమైన ఆహారోత్పత్తులకు వినియోగదారుల నుంచి మంచి డిమాండ్ ఉంది. అందుకే ఈ రంగంలో పెట్టుబడి పెడుతున్నాం. అంతేకాకుండా దిగువ శ్రేణి నగరాలలోనూ దుకాణాలకు వెళ్లకుండా ఇళ్లలోనే ఉండి కొనుగోలు చేయడానికి డిమాండ్ బాగా పెరిగింది."
- మనీష్ కుమార్, ఫ్లిప్కార్ట్ ఉపాధ్యాక్షుడు,
ఫ్లిప్కార్ట్ కిరాణ సేవలలో 200 రకాలలో 7000 పైగా వస్తువులు ఉన్నాయి. తమ నిత్యావసరాల సేవల విస్తరణ స్థానిక ఆహార పరిశ్రమకు మంచి పరిణామమని ఫ్లిప్కార్డ్ అభిప్రాయపడింది. రైతులను లక్షలాది వినియోగదాలను అనుసంధానం చేస్తుందని ధీమా వ్యక్తం చేసింది.
ఇదీ చదవండి : గట్టెక్కే దాకా పరిశ్రమలకు గట్టి చేయూత అవసరం
