ప్రధానమంత్రి నరేంద్ర మోదీతో ప్రపంచ ఆర్థిక సదస్సు(డబ్ల్యూఈఎఫ్) అధ్యక్షుడు బోర్గే బ్రెండే శనివారం దిల్లీలో సమావేశమయ్యారు. 75ఏళ్ల స్వాతంత్ర్యాన్ని జరుపుకుంటున్న క్రమంలో వచ్చే ఏడాదికి భారత్ రెండంకెల వృద్ధిని సాధిస్తుందని ఆశిస్తున్నట్టు తెలిపారు బ్రెండే.
బోర్గేతో భేటీపై ప్రధాని మోదీ కూడా ట్వీట్ చేశారు.
"బోర్గేతో భేటీ అయ్యి, వివిధ అంశాలపై లోతైన సమాచారం తెలుసుకోవడం సంతోషంగా ఉంది. కరోనాపై భారత్ పోరు, గత కొన్ని నెలలుగా దేశంలో చేపట్టిన ఆర్థిక సంస్కరణలను బోర్గేకు వివరించాను."
--- నరేంద్ర మోదీ, ప్రధానమంత్రి.
మోదీతో భేటీ అద్భుతంగా జరిగినట్టు, పలు ముఖ్య విషయాలను చర్చించినట్టు బోర్గే వెల్లడించారు.
"వేగంగా అభివృద్ధి చెందుతున్న ఆర్థికవ్యవస్థల్లో భారత్ ఒకటి. ఇప్పుడు 75ఏళ్ల స్వాతంత్ర్యాన్ని జరుపుకుంటోంది. త్వరలో జీ20కి అధ్యక్షత కూడా వహిస్తుంది. ఈ తరుణంలో వచ్చే ఏడాది రెండంకెల వృద్ధి సాధిస్తుందని ఆశిస్తున్నా."
--- బోర్గే బ్రెండే, డబ్ల్యూఈఎఫ్ అధ్యక్షుడు.
ఇదీ చూడండి: SBI EMI: ఎస్బీఐ క్రెడిట్కార్డ్ వినియోగదారులకు షాక్
