భారతీయ బ్యాంకులకు వేలకోట్లు ఎగ్గొట్టి విదేశాల్లో తలదాచుకున్న విజయ్ మాల్యా స్థిరాస్తులు, సెక్యూరిటీలను విక్రయించుకొని డబ్బులు జమ చేసుకునేందుకు.. బ్యాంకులకు పీఎంఎల్ఏ కోర్టు అనుమతినిచ్చింది. ఈ మేరకు.. పంబాజ్ నేషనల్ బ్యాంకు మేనేజింగ్ డైరెక్టర్ మల్లికార్జునరావు ఓ ప్రకటనలో తెలిపారు. మాల్యాకు ఎక్కువ మొత్తంలో రుణాలిచ్చిన బ్యాంకు.. ఈ ఆస్తులను వేలం వేస్తుందని తెలిపిన మల్లికార్జునరావు పీఎన్బీ మాత్రం తక్కువ మొత్తంలోనే కింగ్‌ఫిషర్‌కు అప్పులిచ్చినట్లు వివరించారు.
ఏ బ్యాంకు వేలం వేసినప్పటికీ దామాషా లెక్కన పీఎన్బీకి రావాల్సిన వాటా వస్తుందని చెప్పారు. ప్రస్తుతం లండన్‌లో తలదాచుకుంటున్న మాల్యాను భారత్‌కు తీసుకొచ్చేందుకు కేంద్ర ప్రభుత్వం తీవ్ర ప్రయత్నాలు చేస్తోంది.
ఇవీ చదవండి: విజయ్ మాల్యాకు కోర్టులో మళ్లీ మొండిచెయ్యి
